東張西望｜7旬翁出軌大條道理拒認錯吳幸美：聽到都有啲嬲網民激讚大快人心

更新時間：17:29 2026-10-16 HKT
發佈時間：17:29 2026-10-16 HKT

TVB節目《東張西望》昨晚（15日）播出7旬港人陳先生「千里尋子追舊債」的故事，其理直氣壯的態度及言論惹起公憤。節目中，主持吳幸美聽到陳先生為自己出軌辯解時，忍不住直言：「我都有啲嬲！」，其真實反應獲得大批網民讚賞，認為她說出了觀眾的心聲，紛紛留言力撐，並狠批陳先生的境況是自作自受：「呢個陳生唔抵可憐。」

陳先生冷淡看離婚：男人出現第三者好正常

陳先生早年為發展飲食事業，移居內地四川長達30多年，與留港的妻兒長期分隔兩地。他承認因自己有第三者，導致前妻提出離婚，但他竟理直氣壯地表示：「男人出現第三者呢樣嘢都係好正常……都唔係話正常……即係錯誤出現第三者，佢可能懷恨呢樣嘢」，而他冷淡看待老婆提出離婚，也似乎令吳幸美驚訝，陳先生表示：「我諗住離婚無所謂，你要離婚咪離囉……兩個仔咁大，我無所謂，因為我好少返香港。」吳幸美說：「你咁樣好冷淡喎！」陳先生亦同意自己態度冷淡。期間吳幸美亦好奇問道，前妻有否提出想要更多關懷，陳先生表示：「冇，各有各嘅。」

陳先生出軌拒認錯吳幸美：聽到都有啲嬲

其後陳先生又改口指自己出軌並不是完全做錯：「我從來都冇講對唔住呢樣嘢，我覺得我自己做男人冇錯，識咗個第三者……識第三者又唔一定話完全錯誤。」語出驚人引來吳幸美質疑：「點解呢？男人……出軌喎你！仲話自己冇完全錯誤，我係女人聽到都有啲嬲呀！」陳先生解釋：「我賺到錢，佢全部攞返晒走喇！我又冇畀錢其他人，又點樣錯誤呢？」此時，吳幸美亦只是笑笑望着陳先生，不少網民笑指：「幸美笑而不語」、「滿口歪理」、「幸美都忍唔住」、「吳幸美反應好正」、「你已經偷食，一個女人自己喺香港湊大兩個仔，你畀錢養家都好應該」、「個老婆已經冇咗個老公，攞返啲錢有咩問題」、「佢一早知你上大陸會搞女人啦，攞你啲錢買樓畀自己作補償，我覺得佢好叻喎」。

陳先生指控妻兒騙財反遭網民狠批

陳先生在訪問中大吐苦水，聲稱多年來賺到的錢都交給前妻，但離婚時才發現所有投資物業都歸前妻所有，自己一無所有。他更指控兒子「穿櫃桶底」，甚至沒有邀請他出席婚禮，令他感到心寒。然而，對於自己被離婚，他卻表現得無所謂，稱「你要離就離」，亦從未對前妻說過一句「對不起」。網民根據案情及陳先生的態度，一面倒地認為他有今日的下場是咎由自取，毫不值得同情。