東張西望丨中女浮誇演繹智破假富豪約會騙局 單眼挑眉「表情包」網民嗌Kam到爆
發佈時間：16:30 2026-10-12 HKT
TVB節目《東張西望》早前報道一宗假扮富豪騙案，踢爆林姓騙子「J」詐騙技巧低級。節目播出後，大批網民卻在Threads上熱烈討論險些受騙的女事主「阿Faye」，指她受訪時展現出「奧斯卡級」的浮誇肢體語言，以及極度豐富的面部表情，因而引來網民瘋狂洗版嘲諷。
阿Faye「神級觀察力」渾身是戲
遭林姓騙子「J」埋身的女事主阿Faye，日前主動接受節目訪問，大談自己如何憑「神級觀察力」反將騙子一軍，全程手舞足蹈、挑眉弄眼，可謂「渾身是戲」。阿Faye在受訪時憶述在五星級酒店首次與「J」飯局時，主動索取名片卻被對方推脫。阿Faye即在鏡頭前表演出一個微微仰頭、恍然大悟的誇張神情，並調侃道：「原來冇卡片，都係嘅，李嘉誠都冇卡片，咁我都咁樣諗嘅。」
相關閱讀：東張西望｜29歲男保安癡心錯付中女老千 被當提款機損失逾廿萬 女方曾背夫偷情流出床照
阿Faye瞪大雙眼故作挑釁
二人之後去食飯，林姓騙子「J」在結帳時假裝遺失錢包，最終由阿Faye找數，她受訪時更是雙眼一轉，表示早已看穿一切。到第二次飯局，阿Faye決定主動出擊，瞪大雙眼故作挑釁，質問「J」有沒有帶銀包，令對方尷尬不已，最終付大約4,000元的餐費。阿Faye得意地揚起下巴笑說：「今次仲唔畀你受到一個教訓。」
相關閱讀：東張西望丨大圍名物「火爆姐」身世揭秘 東張女同事慘被鬧「做雞」 肉身擋大巴、狂報警
最精彩的一幕，莫過於阿Faye重提被對方強吻額頭時的嫌棄表情，阿Faye激動地還原當時強壓怒火的動作，並狠狠地深吸一口氣對自己說：「心平氣和，唔好嘈住，唔好揼佢。」節目播出後，阿Faye的「個人表演」掀起熱議。
阿Faye被指過度沾沾自喜
大部分網民對於阿Faye極度造作的演繹感到反感，批評其態度過分沾沾自喜：「講到幾時覺得佢好kam，瘋狂自我感覺良好，覺得自己好正」、「我睇嗰陣都覺得佢應該喺嗰度自信以為自己好靚女，超級扮嘢」、「好假、好做作、扮晒嘢，重點以為自己好靚」
相關閱讀：東張西望｜大圍火爆姐身世終揭盅 長期財困問新相識男友借50萬 疑私下停服精神科藥物
另有網民質疑阿Faye將詐騙訪問當成自己的「成名跳板」，不斷為自己加戲：「唔係演繹，都係搏上鏡博出位」、「上鏡果個阿嬸d戲有動作又有內心戲交......簽埋佢拍愛回家啦」、「聽完唔明佢係咪教訓人，就係呃返人三千幾蚊餐飯？」、「係幾好笑聽到佢講一句...又eat又拎，乜嘢嘢又eat又拎呀大佬？」
