馬天佑被問JW秘婚︰我唔會係第一個知漏口風讚好友心情靚

影視圈

更新時間：15:46 2026-10-11 HKT
發佈時間：15:46 2026-10-11 HKT

馬天佑為宣傳新歌《降落後就散》，入住一個大玻璃窗貨櫃供途人「觀賞」，在Threads上造成不少討論。馬天佑今日（10月11日）現身大玻璃窗貨櫃受訪，早前《東周刊》獨家爆JW（王灝兒）秘婚，作為好友的馬天佑，被問起JW的婚訊，依然不肯透露細節，「遊花園」說：「我13歲就識佢，如果以前、而家發生任何事，開心、唔開心我都一定撐爆佢！佢都真心對我，我都好希望可以陪伴到佢，無論事業同愛情。」

馬天佑︰留畀JW自己講

記者再追問，他有無出席JW婚禮？他回應：「呢啲嘢交畀佢講啦！咁多年嚟，就算佢有啲咩愛情開心事，我都唔會係第一個知嘅，從來都唔係，仲要好後期知。」不過他表示JW最近心情靚，「佢個人嘅狀態係very good，好陽光普照嘅狀態。」另外，他表示，因為有不少粉絲好奇他平日的生活，故萌生入住大玻璃窗貨櫃的宣傳方法，近距離接觸人群，希望見到他的人因而上網聽其新歌。續說，玻璃窗貨櫃就似是他的流動辦公室，「呢一個藍天白雲空間入面係隔晒音㗎！好正！完全聽唔到出面嘅聲，又有好強嘅冷氣，好舒服！我可以喺入面剪片，間中有唔同歌手朋友可以入嚟同我唱吓歌。」並說今天是「7日生活」的最後一天。