马天佑被问JW秘婚︰我唔会系第一个知漏口风赞好友心情靓

影视圈

更新时间：15:46 2026-10-11 HKT
发布时间：15:46 2026-10-11 HKT

马天佑为宣传新歌《降落后就散》，入住一个大玻璃窗货柜供途人「观赏」，在Threads上造成不少讨论。马天佑今日（10月11日）现身大玻璃窗货柜受访，早前《东周刊》独家爆JW（王灏儿）秘婚，作为好友的马天佑，被问起JW的婚讯，依然不肯透露细节，「游花园」说：「我13岁就识佢，如果以前、而家发生任何事，开心、唔开心我都一定撑爆佢！佢都真心对我，我都好希望可以陪伴到佢，无论事业同爱情。」

马天佑︰留畀JW自己讲

记者再追问，他有无出席JW婚礼？他回应：「呢啲嘢交畀佢讲啦！咁多年嚟，就算佢有啲咩爱情开心事，我都唔会系第一个知嘅，从来都唔系，仲要好后期知。」不过他表示JW最近心情靓，「佢个人嘅状态系very good，好阳光普照嘅状态。」另外，他表示，因为有不少粉丝好奇他平日的生活，故萌生入住大玻璃窗货柜的宣传方法，近距离接触人群，希望见到他的人因而上网听其新歌。续说，玻璃窗货柜就似是他的流动办公室，「呢一个蓝天白云空间入面系隔晒音㗎！好正！完全听唔到出面嘅声，又有好强嘅冷气，好舒服！我可以喺入面剪片，间中有唔同歌手朋友可以入嚟同我唱吓歌。」并说今天是「7日生活」的最后一天。