歐倩怡遭媽咪嫌嘈？復出負評勁多曾勒令退網求清靜罕談與仔女分居關係：大家學習

更新時間：11:00 2026-10-10 HKT
發佈時間：11:00 2026-10-10 HKT

郭晉安與歐倩怡（Cindy）在1999年因合作旅遊特輯結緣，相戀7年後，於2006年在迪士尼樂園舉行童話婚禮，婚後育有一子一女，本來一家四口幸福滿滿，不過這對曾被譽為娛樂圈「模範夫妻」在2024年5月突然在IG宣布結束18年婚姻，事件令不少人驚訝。回復單身後，歐倩怡積極自食其力並宣告重返幕前，不過歐倩怡疑因在多次訪問上，她的言論惹來海量負評，歐倩怡曾稱完全沒有想過會招來這樣的反應，試過躲在家中「喊足三日三夜」。

歐倩怡最難適應網民的評論

近期漸趨低調的歐倩怡接受陳志雲的YouTube節目《Show Up》的訪問，離開娛樂圈差不多18年的歐倩怡，她形容自己的復出是由火星重返地球：「我開始慢慢pick up返，原來而家係咁嘞，娛樂圈都轉咗好多圈啊。所以我啱啱返返嚟幕前呢，都用咗大半年時間去了解啲社交媒體，有時問下啲相熟嘅朋友，又或者搵其他啲artist傾下偈。有啲真係唔識玩喎。」不過復出後最難適應的地方，歐倩怡毫不猶豫地表示是網民的評論。

歐倩怡稱以往只需面對主流媒體與狗仔隊，只係需要回應這一班媒體朋友，但現在「人人都是自媒體」：「有啲KOL朋友話每一個message都要覆㗎，咁多message，有好又唔好，我點覆呢？原來點覆都係一個技巧。呢樣嘢我仲學習緊。」歐倩怡稱曾看過不少極為刻薄的留言，當中不乏針對其手腳、五官的人身攻擊，甚至又有人疑個人品格，她坦言：「鬧得最勁嗰陣時我真係喊㗎，仲要加上我媽，即係自己好親嘅屋企人，阿媽阿爸嗰啲，佢哋梗係唔抵得自己個女畀人話㗎啦，通常又再覺得我『你做咩咁咁咁啊？』佢哋可能覺得我個人比較嘈，成日講得多咗，變咗容易畀人搵位攻擊。有一輪我媽嚴格要我取消晒所有嘅社交媒體嘅account，可能因為實在太多不同嘅聲音，同埋可能我媽自己嘅社交圈子都有壓力嘛。」歐倩怡承認這些聲音與婚姻有關。

不經不覺，歐倩怡的大仔已經18歲，而且還去了英國留學，女兒則留在香港：「佢哋唔係同我住嘅，我哋喺weekend都會係會見面，一齊行街食吓嘢。初頭對於呢個轉變一定係好愕然，唔知發生咩事，始終係小朋友，但係而家明白每個人有每個人嘅選擇，或者人生係點樣揀，令到自己開心地生活，其實佢哋都OK嘅，即係只要開心，大家始終係一家人，互相支持，所以都OK嘅，我哋成日去旅行呀、食飯。佢哋知道我鍾意做營養嘅嘢，喺電視嗰度有分享，佢都好之前我有呢個理念。」對於婚姻的失敗，歐倩怡被問有否影響對再婚的信心和憧憬？她說：「其實我覺得呢個係人生嘅一個經歷，係需要烘焙同磨練，我嘅人生有呢個安排，咁我咪安然接受，繼續由我嘅人生裏面經歷嘅每一件事呀，遇到嘅每一個人，大家去學習囉。對於婚姻點睇，我覺得要順其自然，我完全冇諗過呢樣嘢，啱啱喺6月頭簽咗新嘅經理人，做嘢先係喇，話晒我都去咗火星，冇做嘢十幾二十年呢，咁我係想重新開始，事業重新出發。」至於感情狀況，歐倩怡說：「都係互相了解嘅階段，真係唔知㗎，呢個世界每一日都在變㗎嘛，靠自己喇。」