朱咪咪變紙板人？最新近照瘋傳暴瘦鎖骨「樹根頸」現形網民憂健康再亮紅燈

更新時間：10:00 2026-10-01 HKT
發佈時間：10:00 2026-10-01 HKT

入行超過半世紀、有「鬼馬歌后」之稱的朱咪咪，由酒廊獻唱到簽約唱片公司成女歌手，又曾在紅館舉行個人演唱會，風頭可謂一時無兩。朱咪咪近年終於放慢腳步，返回新加坡老家與家人團聚兼享清福，閒時外出登台，生活過得寫意又輕鬆，不過朱咪咪都身形反而日漸消瘦，與昔日圓潤身形截然不同，令不少人擔心她的身體狀況。

朱咪咪暴瘦鎖骨「樹根頸」現形

日前朱咪咪專程從新加坡返港出席慈善晚宴，當晚不僅大開金口登台獻唱，而且獲主辦方提早為她慶祝72歲生日，場面既熱鬧又溫馨！事後有不少晚宴的相片流出，有網民發朱咪咪的身形變得單薄，鎖骨突出，「樹根頸」老態盡現，雖然唱歌時中氣十足，但依然引起網民熱烈討論與健康憂慮。

相關閱讀：朱咪咪被「黑妹」李麗霞洩真實狀態生活照罕脫假髮顯老態健康掀討論

朱咪咪日前專程從新加坡返港出席慈善晚宴，資深傳媒人汪曼玲事後亦有貼上多張相片，更透露朱咪咪一月份為慈善籌款，更會在伊館再開兩場演會，不過有網民表示朱咪咪的身體又再消瘦，她穿上一件鮮紅色的寬鬆長袖恤衫配黑色長褲，戴有招牌蓬鬆的深啡色短髮，雖然妝容精緻，不過略見疲態，令人擔心她的健康狀態。朱咪咪自拍完《陀槍師姐2021》後就沒有再接劇集，返回新加坡享天倫樂，但養尊處優生活反而令她變瘦，朱咪咪曾笑稱：「只係因為冇飯食，因為同囝囝住，佢哋唔食飯，冇澱粉質。而家每朝我開車出去食碗湯粉，買啲日用品，傍晚求其食啲餃子同菜，煮完狗飯就帶狗喺屋企附近散步，生活得不知幾開心。」

對於屢傳健康亮紅燈，朱咪咪曾在訪問上說過：「瘦係因為晚上我食飯只食餸，最拿手係煮豬肉蒸蛋，三黃蛋、皮蛋、鹹蛋、雞蛋，好簡單。」不過朱咪咪鄭重說明每年皆在政府醫院進行健康檢查，結果均顯示無異常：「呢兩年我係瘦咗10幾磅，我照食好多嘢㗎，由細到大都冇諗過減肥，可能頻撲撲喇，而且我少食多餐，咁樣對身體更有益。」朱咪咪亦多次重申無退休打算，但會選擇適合年齡的工作：「呢幾年我覺得要將工作減量，唔可以再好似以前咁，由朝到晚做到三更半夜，咁樣好似唔係做人嘅生活態度。不過人唔可以唔做嘢，咁樣會慢慢沉落去，但年紀大唔想做有壓力嘅嘢，唔想衰收尾，食少啲唔會死。」