62歲黎燕珊驚喜宣布明年結婚與教友發展黃昏戀與劉永離婚多年再次走入婚姻：仔女贊成

更新時間：09:00 2026-09-29 HKT
發佈時間：09:00 2026-09-29 HKT

現年62歲的首屆亞洲小姐冠軍黎燕珊，昨日（28日）作客TVB節目《流行都市》接受訪問，一臉幸福地分享近況。黎燕珊在節目中罕有提及新戀情，更親口證實與現任男友計畫於明年再婚，而且獲一對子女「舉腳贊成」。

黎燕珊甜笑認明年結婚

在訪問中，主持安德尊率先恭喜黎燕珊「春風得意」，整個人散發著戀愛中的粉紅泡泡。黎燕珊甜笑表示一切並非刻意強求，而是冥冥中注定的緣份：「其實又唔係話特別去搵嘅，我覺得呢個係姻緣、緣份嚟嘅。」黎燕珊透露與現任男友已認識20多年，二人同為教友，一直保持著良好的關係，直到近兩年二人距離拉近，關係昇華為情侶。被問到婚期時，黎燕珊顯得有些害羞，但仍難掩喜悅大方分享：「會嘅，快啦快啦，出年，出年會結婚。」

黎燕珊仔女讚新歡

黎燕珊與前夫劉永於2004年結束12年的婚姻，成為單親媽媽照顧一對子女。如今她已三代同堂，女兒劉詠詩已為人母並誕下一女，令黎燕珊榮升外婆。黎燕珊坦言，自己覓得第二春譜出「黃昏戀」得到子女大力支持：「佢哋冇意見，仲成日讚佢（男友）添！」

黎燕珊自認「享樂型外婆」

提到女兒及外孫女，黎燕珊笑指自己定位是「享樂型外婆」：「又唔使我日日去湊，間唔中去玩下、照顧下。譬如佢哋得閒，或者屋企有咩事，就會走過嚟。」早前黎燕珊陪外孫女開學，她形容這是人生重要時刻：「近期最難忘就係我外孫女返學啦，返N班，佢人生第一次，所以我呢個婆婆一定要帶佢開學。好多回憶，好開心，好正能量，好正面，好開心。」

黎燕珊與劉永離婚逾20年

1985年首屆亞姐冠軍黎燕珊，於1992年嫁給邵氏出身的演員劉永，成為其第二任妻子。黎燕珊為劉永誕下一子一女，但二人於2000年傳出婚變。當時黎燕珊除了提出離婚申請外，更向高等法院申請禁制令，禁止劉永接觸自己及一對子女，最終雙方在2004年正式離婚。黎燕珊於今年情人節公開新戀情，此後不時帶同男友出席圈中友好聚會。