王丹妮自爆愛「獨自睇戲」 透露女兒有目標尊重意向 母女best friend不時炮製驚喜
更新時間：20:45 2026-09-26 HKT
發佈時間：20:45 2026-09-26 HKT
發佈時間：20:45 2026-09-26 HKT
字體大小
王丹妮今日為10.1半價睇好戲活動宣傳，到港九新界各地派發爆谷。王丹妮表示，每逢假日她都會去睇戲，特別是到油麻地一間戲院睇文藝片。訪問中除了提到一家人在中秋節的節目，更透露了對女兒教育的睇法。
王丹妮透露女兒是忠實粉絲
王丹妮說：「我鍾意一個人睇戲，呢個係我個人癖好。」但她也表示，睇笑片一類就會約一大班朋友一齊睇，和女兒睇戲也會睇動畫片。記者問，如果睇愛情片呢？她表示會帶另一半入場來學習，說：「我會帶另一半，『你睇吓人哋』，哈哈，睇吓可唔可以感染佢。」她也透露，女兒是自已的忠實粉絲：「我大部分電影佢都有睇，連佢同學都話有睇我啲戲。」
王丹妮讚女兒乖會自動報到
女兒會否想入行？王丹妮表示會尊重女兒的意向，說：「我冇教導呢一方面，佢自己好有目標，知道自己第時想做咩工作。呢啲唔講啦，小朋友而家呢刻有呢個目標，就會向嗰個目標進發，因為我細個啲目標會不停咁變，俾啲空間佢自由發揮。」問及女兒會不會和男仔去睇戲。王丹妮回答：「佢咁細個！佢淨係可以同我睇戲。」表示女兒年紀小，未有這方面的事。「始終女仔我會take care多啲，佢又好乖，會同我報到。」記者再談到女兒的其他事，王丹妮笑言訪問離題了，相當尊重女兒的私隱。
王丹妮新劇打戲連連
話題再講回中秋節，她表示中秋節時與女兒一齊試月餅，並去了一個特別的地方。她說：「我成日都會畀啲驚喜佢。每一年身在嘅地方都唔同，或者一齊諗啲嘢去做或者去玩都會唔同。我覺得除咗係家長，亦係好朋友，所以佢都係我嘅best friend。」談及內地播出的新劇，王丹妮直言角色與她以往與她以往飾演過的角色分別很大，劇中更是打戲連連！
最Hit
消委會染髮劑｜長者染黑染啡前必看! 24款效能、安全及致敏物質評測 (Revlon/美源髮采/50惠/絲悅等上榜)
2026-09-24 13:01 HKT
中秋過關直擊｜跨境通勤排足45分鐘！港漂發文感慨：深港兩邊過節習慣大不同
2026-09-25 18:29 HKT
