陳庭欣同友台約戰好開心認打波識人多暫無意覓另一半許俊豪自嘲「屎波架生多」

更新時間：16:45 2026-09-26 HKT
發佈時間：16:45 2026-09-26 HKT

陳庭欣、許俊豪於今日（9月26日，中秋節翌日）出席慈善匹克球比賽。兩人表示接觸了匹克球約一年時間。訪問中，陳庭欣笑許俊豪裝備多又齊全，許俊豪自嘲：「屎波架生多。」

陳庭欣曾「閃到腰」

陳庭欣也說，因為年紀關係，所以都會貼運動膠布防止拉傷。她續說：「一啲動作你唔覺得難，但係嗰日冇拉好筋就會整親，之前先閃到條腰。」他們表示，「球齡」約一年，認識了不同的朋友。許俊豪說：「最得意係，凌晨都有波打。」陳庭欣說：「以前約完朋友飲嘢會轉場，而家打波都有轉場。以前蘭桂坊飲嘢轉幾個場先威，而家我哋係咁樣。」許俊豪：「7到9點打場波，食個快飯，11點又繼續。」

陳庭欣曾被許俊豪虐待

許俊豪透露，已有不少藝人自組匹克球球隊，他們提及運動圈中有來自不同公司的藝人。陳庭欣表示，除了TVB和邵氏藝人外，也會和「友台」藝人一齊打波，說：「同友台藝人一齊玩，都開心。」記者問：「有咩恩怨球場解決？」許俊豪回答：「我哋冇恩怨㗎！」陳庭欣笑說：「一場過搞掂？」許俊豪：「通常球場上面先有恩怨，會打中人。有時打中陳庭欣，無啦啦瘀咗，啲人以為有人虐待佢。」單身的陳庭欣，也表示在球場上認識到很多朋友，但暫時未有結識另一半的打算，稱一切『順其自然』。