李幸倪開心做五行project：新歌好玩能貼近生活 專輯至少有8首單曲
更新時間：19:15 2026-09-21 HKT
發佈時間：19:15 2026-09-21 HKT
發佈時間：19:15 2026-09-21 HKT
字體大小
Gin Lee李幸倪今日到新城電台宣傳新歌《OVERHEAT》。她表示《OVERHEAT》取材於五行其中的「火」：「啱晒呢個咁熱嘅天氣推出。」分成四個季節之餘，季節之間也會推出其他歌曲。她說：「好多人問我，係咪得5首歌？唔係嘅，至少都有8首，除咗屬性都有唔同相生相剋。」
李幸倪指火象徵創造力
她續說：「我好開心做呢個project，因為覺得好好玩。火係象徵創造力，熱情，水就係情緒，好多嘢可以玩，同我哋生活好貼近，好多創造嘅空間。」她表示，將會在不同季節推出不同屬性的歌曲，例如夏天就有象徵「火」的《OVERHEAT》。問她五行怎樣符合四季？她也解釋，夏末可以代表「土」，五行之中也有相生相剋，所以整張專輯至少8首歌亦各有其元素配搭。
李幸倪與林若寧馮翰銘組核心團隊
她表示，核心團隊有三人：她負責統籌同創意，填詞由林若寧負責，音樂由馮翰銘（AF）主導。林若寧出名慢工出細貨，Gin Lee李幸倪也笑言：「其實唔快，因為大家都抱住唔會後悔嘅一隻碟嘅心態去做，所以經常都經歷由頭嚟過過程，好似呢首歌《OVERHEAT》寫咗第二版。」
李幸倪買榴槤冰皮月餅給同事
講到她的生活近況，她說買了很多榴槤冰皮月餅給喜愛榴槤的同事：「佢哋都係受益人。（咁有味？）急凍，因為老闆唔食，冇人驚動佢。」但她表示，因為要keep fit和工作關係，每次只敢食一小塊。中秋節，她會在工作中度過。
最Hit
