一周星星丨廖碧兒被逼供落淚默認蜜運中甜認依家好開心被薛家燕催婚：到時話畀你聽

更新時間：12:00 2026-09-21 HKT
發佈時間：12:00 2026-09-21 HKT

TVB《一周星星》昨晚（20日）播出處境劇《皆大歡喜》家族成員薛家燕、廖碧兒（Bernice）、陳彥行（行姐）及鄧兆尊亮相節目，接受主持區永權訪問，大談當年拍攝趣事。早前傳出與百億富商呂禮章相戀後的廖碧兒，在「你問我答」環節被米雪隔空提問感情事，連薛家燕的未能幸免，公開對再婚的想法。

米雪逼供廖碧兒感情事

米雪在節目中隔空向久未露面的廖碧兒進行感情大逼供：「佢又咁叻，又咁聰明又咁靚喎，你又冇另一半嘅。嗱！快啲話俾我聽，你另一半係邊位呀？」廖碧兒當場甜笑默認蜜運中，一臉幸福地表示：「咁當然好開心啦依家，有開心嘅新聞同大家宣布。」

薛家燕戥廖碧兒開心

陳彥行即加入逼供問早前天空出現「I Love B」，是誰寫給廖碧兒時，廖碧兒笑說：「唔知呀！嗰個飛機人囉。」薛家燕指廖碧兒最近的笑容：「我覺得最近呢，覺得Bernice呢，個樣都甜咗好多。佢心裏頭，梗係有啲愛情喺度，醞釀緊。戥佢開心，搵到個啱自己嘅，又傾得埋，好事嚟嘅。」薛家燕又稱：「係好事嚟㗎！嗱，我哋準備做人情㗎啦！」廖碧兒被薛家燕逼到甜笑求饒：「幾時？到時…到時話畀你聽。」而眾人表示廖碧兒舉辦婚宴時，要預一圍給《皆大歡喜》，廖碧兒承諾：「聽到喇吓！」

相關閱讀：百億富商性感升級穿泳衣盡騷豐滿上圍好養眼白滑玉背長腿放題極誘人

當區永權追問廖碧兒是否正值蜜運中？廖碧兒反問甚麼是蜜運，之後鬆口承認：「我不嬲都好開心㗎啦！」廖碧兒隨後表示自己會跟薛家燕分享一切，而薛家燕亦承認知道少少，戥廖碧兒感到開心：「佢好勤力，又去做生意，做生意又好成功啦！咁依家遇到自己深愛嘅人呢，真係戥佢開心。」廖碧兒被感動到流淚，還打趣薛家燕：「我想飲到你嗰餐，我哋一齊飲啦！」

薛家燕稱年紀大抗拒再婚

薛家燕被問到感情生活時坦言：「對我嚟講我年紀大喇！有一個人關心你、照顧你，同埋有時同你傾吓啲甜蜜嘅嘢，咁係一件開心嘅事嚟嘅。我唔會諗再結婚，因為年紀大，同請飲係好麻煩。」薛家燕又指有另一半的話，可以分享日常生活、時事話題：「關心你，有時你啲煩惱嘅嘢，都可以同佢溝通、聽吓佢嘅意見，都係一件好事嚟嘅。」