農夫爆《人夫集團》無數次「砍掉重練」 反應熱烈未開騷已叫Re-run 張繼聰回應古天樂公司被追債 : 永遠支持老闆
發佈時間：19:15 2026-09-12 HKT
《人夫集團》農夫聯同張繼聰將於10月9日至25日期間，於西九文化區戲曲中心大劇院開騷，據知因反應熱烈而宣布加開5場下午場次。今日（9月12日）三位應邀出席903節目，大談「旅行經」。三位「人夫」一坐低就盡訴心中情，大談與老婆一同出遊的事。
張繼聰甘願做足十幾小時司機
張繼聰接受訪問時，表示出遊喜愛自駕遊，所以會計劃行程，做家人的司機。他說：「我鍾意揸車，呢個好緊要。最長時間揸十幾個鐘，但係我enjoy喎。（屋企人瞓覺你揸車？）我老婆唔會喎，佢會盡量陪伴，小朋友梗係瞓覺啦。」C君的情況與張繼聰類似，但計劃完行程則要由老婆批准，而陸永（6Wing）就表示自己無意見，去哪裡做什麼都好，全由老婆計劃，而自己負責「畀錢」就可以。
張繼聰大讚農夫對細節的執着
講到10月《人夫集團》綜藝Show，他們表示彩排已進入最後階段，但每次都有新火花，作出更好的修改。問道：「係咪要磨合一下？」陸永說：「都唔係一下，而係好多下，當中經歷好多次砍掉又重練，成個諗好又掉咗，到咗今日終於肯定⋯⋯」張繼聰接着說：「都唔肯定。」陸永說：「我肯定㗎啦，你仲未肯定？」張繼聰大讚農夫對細節的執着，直言《人夫集團》一定會十分好睇，又透露孭了很多「飛債」。陸永說：「好多人叫緊唔係加場，而係re-run，會唔會重演，而家係收緊啲重演嘅order。」
農夫搞《人夫集團》即想起張繼聰
問張繼聰與農夫合作有什麼難處？陸永反問記者：「點解你唔問吓我哋？！」記者笑言，農夫轉數高一定駕輕就熟。張繼聰也說：「喺組合入面我係細佬嚟，一定聽兩位哥哥講嘢。」C君和陸永長嘆一聲，C君說：「轉數一定係阿聰快，因為我記得佢以前有個廣告係，轉數快，計數快⋯⋯」陸永和C君也認同，要搞《人夫集團》第一時間就想起張繼聰，認為如果不是和他合作的話，「化學反應」不會這麼好。
問到早前古天樂公司被入稟追過億事宜，張繼聰說：「都發咗聲明啦，其實公司發咗聲明就⋯⋯」陸永說：「就睇佢聲明啦。」張繼聰續說：「我只可以講，咁我哋梗係永遠都支持老闆。你問有冇影響，我哋各自做緊project，都係大家好努力做緊嘢，所以呢個交返畀公司。」
