張與辰二創張國榮風波後壓力大減捐10萬助學金擬義教基層小朋友追夢

影視圈

更新時間：20:15 2026-09-11 HKT
發佈時間：20:15 2026-09-11 HKT

張與辰贊助的「張與辰花啦啦助學金-黃大仙區小學成長計劃」今日舉行頒獎典禮，張與辰與自己設計IP蒼蠅花啦啦（Falala）及黃大仙青少年兒童發展基金召集人沈慧林教授JP等亦有出席。

張與辰花啦啦利是錢回饋社會

張與辰指助學金是Falala的利是錢，今次是第一項計劃，共捐出10萬元，他指歌迷在新年及Falala 7月生日時也會送上利是，祝它快高長大，又指Falala第二筆基金現時有5萬元，準備做下一次慈善，

張與辰擬捐音樂學院

張與辰自己打算將錢捐給一間音樂學院，幫助想學音樂的小朋友去追夢：「我細個時雖然屋企窮，不過有好多貴人扶持、幫助，當有人幫你嘅時候，其實你成個人生都會改變，我都好希望可以出一分細細嘅力去協助佢哋，去幫佢哋完成一件佢哋好想做嘅事。」至於是否也會義教？他坦言想，若有機會的話也會分享自己的故事及鼓勵一下他們：「尤其係基層嘅小朋友，其實我覺得佢哋非常需要一個推動力，俾佢哋更多信心，勇敢企出嚟去做佢哋想做嘅事情。」

張國榮封面Falala二創惹不滿

早前Falala因二創張國榮專輯封面，惹來哥哥歌迷不滿，對於今次再帶Falala出來，他坦言壓力已沒之前般大，又指Falala「出世」原因是希望大家可以打破刻板印象：「我嘅烏蠅同人哋嘅烏蠅唔一樣，（件事過咗去？）係，向好嗰方面去繼續前進，做多啲自己應該做嘅事，同埋盡自己一分力去關心社會。」

張與辰赴加拿大演出十日

工作方面，剛從廣州做完宣傳的張與辰透露明日將會起程到加拿大，今次會去十日，會到多倫多、溫哥華及卡加利做演出，笑言今次是第一次去當地，所以都好期待，又指昨晚執衫執了一晚，執到瞓唔着，而這次行程最想的就是去看瀑布。提到《中年好聲音4》，他指因合作過的關係，只跟尤淑程有聯絡，但也只是傳訊息傾偈，又表示因為之前正在比賽，所以也不太想打擾他們，自己也不介意跟《中4》任何成員合作，但這方面就要等公司安排。