女神配對計劃2丨Oscar方智弘被質疑造馬？前洗冷氣拍檔揭私下人品一夜爆紅收800私訊邀約

更新時間：12:00 2026-09-09 HKT
發佈時間：12:00 2026-09-09 HKT

由「金牌媒人」林盛斌（Bob）主持的TVB戀愛真人騷《女神配對計劃2》，第二季女神有何沛珈（Roxanne）、阮嘉敏（Mandy）、陳若思（Amber）、俞可程（Kanis）及郭珮文（Juliana）。日前播出首集「求愛勇者海選」，26歲冷氣技工方智弘（Oscar）因中葡芬混血兒靚仔外貌，瞬間在網上爆紅，更被揭是男子組合OneUp成員，冷氣技工受到質疑。有多位網民在Threads上分享昔日搵Oscar方智弘洗冷氣，也有曾跟Oscar開工的網民輪流發文，力撐Oscar方智弘人品。昨日（8日）商台《1圈圈》更電話訪問Oscar，爆出全港引爆「冷氣機故障效應」。

Oscar方智弘IG私訊破800封預約

隨着《女神配對計劃2》在網上掀起熱話，Oscar方智弘更爆發「冷氣機集體故障效應」，昨日在電台訪問中，Oscar方智弘被主持人問道：「係咪多咗好多人搵你整冷氣？」Oscar大笑承認：「嘩嘩，我同你講，我個IG DM係爆咗嘅，起碼有7、800個人話即刻想約洗冷氣。」

Oscar方智弘踏實性格獲前老闆大讚

Oscar方智弘提到節目出街後，組合OneUp以往出道一、兩年都未有太多人認得，結果因《女神配對計劃2》只露面一分多鐘，搭電梯時就有鄰里街坊主動對他說「加油」，讓Oscar方智弘受寵若驚：「真係有啲嚇親。」Oscar坦白表示自己熱愛唱歌，但現階段在演藝界依然是新人，幕前收入難以支撐生活，因此洗冷氣是其主要收入來源，唱歌則是副業。

有自稱是Oscar方智弘的前老闆兼拍檔透露，Oscar從18歲起就加入其家族公司，做事肯學肯拼、從不偷懶曠工，他不僅憑實力迅速掌握技術，更一路由學徒拼搏到成為合夥人，如今已擁有自己的冷氣事業：「更難得嘅係佢事業有成之外，依然保持住孝順、感恩嘅初衷」，又讚Oscar方智弘有承擔、重情重義又踏實，是高質素、有理想又真誠的好男人。

Oscar方智弘獲拍檔稱讚人品好

亦有網民在Threads上表示曾跟隨Oscar方智弘開工：「有日，跟個師傅洗機，第一感覺唔講嘢，拎兩個水桶，孭住一個背囊，帶口罩好cool。可能因為工程有啲早未醒，所以唔多講嘢？係隔籬等車嘅時候，聽到師傅自己喺度唱歌，手腳好似跳舞咁律動，心諗大鑊，條友唔正常嘅。食早餐嘅時候俾錢，師傅仔一手拍張八達通過嚟講咗句『同我開工要自己俾錢食早餐嘅咩？一陣睇下做到幾點，包埋你飯』。心諗，呢個年輕人咁霸氣，我呢個三張幾嘅都要跟佢搵食」。網民又提到Oscar方智弘視王嘉爾（Jackson）為偶像。

Oscar方智弘自爆是超極端「姐姐控」

網上掀起Oscar方智弘的洗冷氣話題，不少網民均表示想搵Oscar洗冷氣：「有冇人比Oscar洗過冷氣，因為怕打擾到Oscar（雖然我勁想約）」、「想要洗冷氣公司資料」、「有沒fans肯出錢，我出冷氣機，畀場地你慢慢觀察有3部機」、「見到咁多Oscar客人都出post讚就知道真係服務好」，更有網民聯想起天王郭富城：「郭富城以前都是做冷氣」。另外，Oscar方智弘自認是I人，性格偏向內向，希望能在戀愛節目中學習主動，更稱未曾認真追求過女生，更自爆是個極端的「姐姐控」，被網民質疑：「咁靚仔都搵唔到女朋友」。