女神配對計劃2丨混血冷氣技工Oscar方智弘被爆是歌手 網民質疑扮素人：全部都係演員
發佈時間：14:00 2026-09-07 HKT
「金牌媒人」林盛斌（Bob）主持的TVB戀愛真人騷《女神配對計劃2》已於昨晚（6日）播出，新一季的女神陣容包括何沛珈（Roxanne）、阮嘉敏（Mandy）、陳若思（Amber）、俞可程（Kanis）及郭珮文（Juliana）。首集焦點落在火花十足的「求愛勇者海選」環節，26歲的冷氣技工、中葡芬混血兒方智弘（Oscar）一出場就令關嘉敏「流晒口水」，並笑說：「好想睇你洗冷氣呀，我屋企啲冷氣突然壞晒呀！」
方智弘曾參加ViuTV的《全民造星V》
方智弘憑驚人顏值瞬間在各大社交平台爆紅，有網民發現方智弘原來早在2023年已參加過ViuTV的《全民造星V》。雖然當時他在首輪已被淘汰，不過其後與混血型男賀邦（Bronny）組成男子組合OneUp，先後推出過〈Ten Outta Ten〉、〈10號碼頭的半對〉、〈拾回鐵達尼〉等歌曲，更曾於《2024年度叱咤樂壇流行榜頒獎典禮》獲得「叱咤樂壇生力軍組合歌手銅獎」，事件隨即惹來內定疑雲。
相關閱讀：女神配對計劃2丨Rocky自爆上床當拍拖 混血冷氣師傅Oscar吸睛 金融才俊關經翰住半山
方智弘從事冷氣工作長達7、8年
方智弘在節目上表示已經從事冷氣工作長達7、8年，更應要求即場脫下上衣展露超強麒麟臂。加上身形健碩、笑容有魅力兼對答得體，在網上引來熱烈迴響。不少網民留言搞笑要求方智弘上門整冷氣：「洗冷氣機可唔可以等等，我屋企嗰部直程壞咗比較急。」、「大家啲冷氣好一致咁壞晒，唔爭在加多部」、「今晚就揼爛部冷氣佢」。
不過亦有人質疑方智弘有造馬之嫌：「即係參加真人show推高知名度。如果已出道，即tvb主持係知？bob、carmen扮唔知？定係writer無做好功課？」、「劇本嘢嚟啫，咁認真做乜？」、「咁真係有洗冷氣？」、「洗冷氣？你信？雞春咁密都孵出雞仔啦，即刻有人踢爆嘞！」、「咪就係全部都係演員」。
林盛斌開PO力撐方智弘
身兼主持和「花生團團長」的林盛斌在節目播出後，在IG開PO力撐方智弘：「好多人問我佢係咪真係整冷氣，我好認真答你：『係，原則上佢嘅正職係整冷氣，兼職先係做歌手！』佢同另外一個朋友，係一隊二人男子組合，其實而家呢個娛樂圈，無論係做演員定歌手，好多都有做幾份工作，努力去維持生計，先可以繼續去追夢，因為唔係個個都係最紅嗰啲，所以我真係完全唔覺得有啲咩問題，亦都唔係乜嘢做媒，佢真係自己上網報名參加。最後我想多謝所有海選面試嘅求愛勇者們，你哋每一位，喺我心目中，都係非常勇敢嘅！大家可以認識吓佢，佢叫Oscar，真係幾靚仔嘅。」
相關閱讀：女神配對計劃2丨大隻Rocky鄭健樂博翻身？自爆離婚後戀26歲女友 江美儀六字精警點評
《女神配對計劃2》參賽者逐個睇：
