張與辰10月生日會600人參與變音樂會 中秋孤獨留港享受一個人食飯冇人搶
更新時間：07:00 2026-09-07 HKT
發佈時間：07:00 2026-09-07 HKT
發佈時間：07:00 2026-09-07 HKT
字體大小
張與辰昨日出席健康產品宣傳活動。現場人頭湧湧，有過百人到場。他接受訪問時坦言為得到歌迷撐場而感到開心。他表示，覺得服食健康產品後有改善了氣管不適。他也透露，10月份生日月將會舉行一個較大型的粉絲見面會兼生日會活動。
張與辰生日會粉絲上台唱歌表演
他說：「咁啱我生日嘅時候，fans club就會幫我搞一個生日會，好似有600幾人，即係大家一齊食飯慶祝。」他透露生日會上會唱歌表演，而令人驚喜的是，粉絲們也會上台唱歌表演。
張與辰盼內地或馬來西亞開騷
問他是否想開個人音樂會？他回答與公司計劃中：「安排緊，睇吓會用乜嘢方式做多啲屬於自己嘅show，仲傾緊。」他又表示，希望嘗試在內地或馬來西亞舉行。
張與辰大馬買12個月餅倒數中秋
談到中秋節，他說早前從馬來西亞買了一盒12個月餅，笑言打算每日食一個去倒數中秋節。他也表示今年應該會在香港度過：「嚟緊12號飛加拿大，喺加拿大10幾日，返到香港已經接近中秋，所以諗住今年唔會返去，留喺香港同大家一齊過。(在港又怎樣慶祝？)未知，應該會搵間想食嘅餐廳。（自己食？）周時都自己食，一係就搵班兄弟，或者過去佢哋屋企食飯。（一個人食飯唔悶？）我OK，冇人同我搶嘢食。」
