伍富橋想入產房聽「伍梁液」第一下喊聲自揭有「暈血症」遭太太拒陪產出自資新歌送長腿愛兒

影視圈

更新時間：11:45 2026-09-06 HKT
發佈時間：11:45 2026-09-06 HKT

張衞健、伍富橋、林奕匡、IdG Bubbles、方皓玟出席《愛心滿東華》慈善晚會。伍富橋接受訪問時，大談即將升Lv做人父的感受。

伍富橋心情緊張過太太

伍富橋表示，他受邀擔任慈善晚會的表演嘉賓唱歌，並說太太在家等候：「一完咗唱歌就即刻返屋企。」他也透露，工作以外的時間都會在家陪待產太太。被問太太有否緊張。他回答：「太太反而冇，心情好放鬆。我都緊張同興奮，每晚都會摸吓佢，feel到佢郁。」他也透露，產檢時被告之BB是一位「長腿寶寶」。

伍富橋為護妻拒拍片分享

為了準備新生命到來，他也指自己雖然未上照顧BB的課程，但已經在互聯網吸收很多關於照顧BB的知識。伍富橋透露，自己想入產房見證小生命誕生，但自己似乎有「暈血症」。他說：「其實我係有，但係我有啲自私，暈就暈自己啲血。」他回憶道，求學時期曾遇過追車跌倒後流血，見血後暈低的情況。太太知悉他有「暈血」情況後，就表示不想他陪入產房。伍富橋說：「佢叫我唔好入去，唔好搞咁多嘢，但係我覺得作為老竇，撇開血嗰樣嘢，我會好想親耳聽到佢『出嚟』嘅叫聲。我而家諗到都覺得好激動。剪臍帶呢樣嘢可以揀唔剪嘅。」他也表示，為保護太太的形象，到時不會拍片分享。他也分享，BB的乳名是「伍梁液」。

同時，伍富橋也表示，9月9日將會推出自資的新歌《約定一起看未來》，說：「其實係送畀我個仔嘅禮物。」