《東張》放蛇男爆女技師強烈性暗示網民質疑為馬鞍山邪骨場「賣廣告」主持甘詠寧反擊

更新時間：16:30 2026-09-04 HKT
發佈時間：16:30 2026-09-04 HKT

TVB節目《東張西望》一連四集報道「馬鞍山商場淫窟」事件，揭發馬鞍山多個歷史悠久的街坊商場（包括富輝商場及福安商場）遭俗稱「邪骨場」的色情按摩店大舉入侵，嚴重影響同場的補習社及琴行等正常商戶。主持甘詠寧與攝製隊連日來上門向邪骨踢竇，面對女技師及男熟客落荒而逃時，甘詠寧追訪涉事人士的表現成為網民焦點。

甘詠寧反擊網民的抨擊

為了搜集證據，攝製隊派同事「放蛇」。在昨晚（3日）播出的《東張西望》獨家直播三分鐘中，節目找來這位男同事分享當日放蛇行動的過程。他透露店內技師是一名Auntie：「絕對唔係想像中好好身材嘅靚女，佢除咗我條褲之後，雙手不停喺敏感部位游走。」面對有網民反指報道變相為色情場所「賣廣告」，甘詠寧反擊說：「確實我哋係賣緊廣告，不過我哋賣緊嘅係《東張》專業精神嘅廣告！」

放蛇男同事感受強烈性暗示

當日負責放蛇的男同事在《東張西望》獨家直播三分鐘上表示：「佢叫我去沖涼，喺我冇要求嘅情況下，其實佢係完全冇意識去提供一條褲畀我着，喺嗰刻感覺到一種好強烈嘅性暗示。因為正常嚟講，你係唔會赤身露體、全裸去接受一個正規嘅按摩服務。」男同事續說：「頭半個鐘其實都係普通正常按摩，之後就急轉直下，對方除咗我條褲之後，雙手係不停喺啲敏感部位游走。當時我冇諗咁多，個腦一直喺度思考，諗緊同對方嘅對話，可唔可以搜集到足夠嘅證據，證明到佢係有提供賣淫服務、色情服務，所以都冇諗咁多。成個放蛇過程，安全問題絕對係首要考慮嘅地方，所以我哋事前去過好多次現場視察，亦進入過部分按摩店睇睇裡面嘅環境，同埋摸熟現場嘅逃生路線，其他同事喺外邊一直都守候住，所以已經解決咗安全問題。」部署方面，男同事亦表示有點困難：「因為唔知道間按摩房有冇空間擺我哋嘅拍攝器材、燈光夠唔夠，同埋收音方面可唔可以做到好嘅效果，好彩最後可以解決到這些問題。」任務完成後，大家都鬆了一口氣。

甘詠寧首次闖入色情場所

整個專題報道由搜集資料到實地採訪，前後用了八個月時間。今次是甘詠寧首次闖入色情場所，她坦言若非工作關係，絕不會踏足這些燈光昏暗、四處掛滿紅色蕾絲內褲的特種營業店舖。隨着報道連日播出，揭發背後牽涉龐大商業利益，身邊親友紛紛對她的人身安全表示擔憂。甘詠寧亦提到曾遇上一名自稱「追債男」的受訪者，對方不但熟知按摩店提供1,000元的手淫服務，更拋出各種腦筋急轉彎式的對答，令她當場嚇呆，隨後才醒悟對方對色情行業運作瞭如指掌。

甘詠寧加入《東張西望》後，曾追訪多宗具爭議性的社會民生個案，包括涉嫌隱瞞感染HPV及性病、與多名女子發展親密關係的「播毒渣男」、一家三口長期霸佔公屋後樓梯生活的「野人父子」，以及14歲少年疑遭成年教練誘騙發生不當行為的案件。面對受訪者拒絕回應、惡言驅趕甚至拔足逃跑，她仍多次親身追訪及當面質詢，敢言又冷靜的採訪表現屢獲網民讚賞。