陳楨怡被翻素顏舊照親解容貌變精緻大方認化妝前後分別大唔敢直播卸妝怕有太多人睇

更新時間：21:15 2026-09-03 HKT
發佈時間：21:15 2026-09-03 HKT

陳楨怡（Celina）今日出席香港時裝薈活動，接受訪問時，她笑言服飾稍有不便：「因為件衫好特別，兩隻手都連埋一套，變咗用唔到手機，同埋我去洗手間要成件衫除。」故她要用「聲控」開口叫人代勞。談到着衫偏好，她回答平日多以舒服和易襯的黑白色為主。

陳楨怡平日出門唔會着太性感

平日出門她不會穿得太性感：「因為我覺得喺條街，大家唔會着得特別性感，如果得我一個人着到咁性感，就好似有啲奇怪。」說回上月30日港姐決賽的表現，她自評「都算穩定」，續說：「我見大家feedback都幾好，幾鍾意。（有睇評語？）有呀。」

陳楨怡呼籲唔好再用嗰張相

有網民翻出她的素顏舊照，她解釋現在比較懂得化妝，所以會有分別：「嗰張相真係冇化妝、係素顏，分別一定大。（有人話你對眼大咗一倍）化到。」問到有沒有不開心？她回答：「冇嘅，wake surf嗰張呀嘛。」更笑言：「唔好再用嗰張相。（會唔會唔鍾意素顏相？）唔會嘅，反正大家都見過。」有記者笑言沒看到，她也回答：「咁你睇返嗰張相。」記者再提議她提供素顏相，或開Live展示素顏，她回答：「好，我遲啲。（直播卸妝）好驚呀，咁一定好多人入嚟睇。」她提及以前也拍化妝短片時，曾展示過素顏，問到是「真素顏還是假素顏」？她也回答：「真，但係落咗少少filter。」