東張西望｜馬鞍山商場邪骨如無掩雞籠 女技師索價一千提供性服務 放蛇員剖白被偷襲重要部位
發佈時間：21:30 2026-09-02 HKT
TVB節目《東張西望》之前一連兩晚報道馬鞍山兩個街坊商場，疑有按摩店提供色情服務，繼昨晚派出男幕後放蛇踢爆富輝商場有「景轟」之後，今晚東張團隊繼續報道同區有其他商場，都有提供類似服務，發現女技師向東張放蛇員表示會提供性服務，費用為港幣1,000元。
福安花園商場邪骨集中地？
今晚東張去到福安花園商場，節目指出該商場早於2018年，已有按摩店因涉提供色情服務而被警方掃蕩，行動中更有涉事人士被拘捕，但相關按摩店於「風聲冇咁緊」後就悉數重開，該商場「有邪骨揼」似已成公開秘密。
相關閱讀：直擊馬鞍山商場邪骨女技師拉客 《東張西望》男同事放蛇被除褲 男顧客否認尋歡語無倫次
男幕後繼續放蛇
今集東張再派幕後男同事放蛇，發現於福安花園商場下層，有數間已開業很久的按摩店，似會提供「唔正經」服務。男放蛇員發現有着緊身衣、短裙的中年婦女，向男放患員指「服務好舒服」，並指200元就有交易：「我哋開咗好耐，你放心啦，好舒服㗎｣。
女技師指「做埋」承惠一千
之後男放蛇員入到房間，經過一輪正經揼骨服務熱身之後，女技師就表示：「你按唔按埋前列腺？」，男放蛇員表示「有呢啲嘢？」，女技師就笑着表示「有」。男放蛇員指「呢度係商場，估唔到係唔正經」，女技師就話「以前呢度仲公開呀，依家已經收歛咗」，更表示「偷偷哋做」，不會有人發現。男放蛇員之後問價，女技師指若是「出火」手淫，費用為450元；如果「做埋」就收1,000，非常猖狂。
相關閱讀：東張西望｜馬鞍山商場淪邪骨溫床 店員推銷可「出火」 阿叔光顧兩店精力好大談「賽後感」
東張女神直踩邪骨店
東張女主持甘詠寧，之後和團隊再到富輝商場的相關按摩店，單刀直入女技師：「有觀眾向我哋反映，你哋舖頭收500蚊就會作出色情服務，有冇咁嘅事？」，女技師只表示店舖有全身按摩推油服務，不會做色情按摩，矢口否認指控。明天東張會繼續狙擊馬鞍山區「邪骨」，甘詠寧更會和女技師上演街頭追逐戰。
放蛇員剖白被偷襲感受
節目完結後，甘詠寧訪問於昨晚一集被除褲的男放蛇員，他指出入到富輝商場接摩店進行放蛇時，他已覺得技師好有性暗示：「我沖完涼之後，技師根本冇諗過畀條褲我着，正經按摩係絕對唔會赤裸下身進行」。甘詠寧再問他於深入虎穴期間，有否被掂到重要部位時，他就大談被偷襲感受：「頭半個鐘都好正常，但之後佢就除咗我條褲，並於我重要部位附近游走」。
