谷德昭親回被指盲撐星爺《功夫女足》爭議列內地佳作澄清無意比較：擔心蝕底嘅係自己

更新時間：21:57 2026-08-17 HKT
發佈時間：21:57 2026-08-17 HKT

導演谷德昭早年曾多次與周星馳（星爺）合作，雖然今次周星馳新作《功夫女足》未有找谷德昭參與製作，但無阻他支持好友的作品。他早前於電台節目《在晴朗的一天出發》中，公開支持《功夫女足》，並評論部分網民因電影沒有廣東話配音等問題而發起抵制，認為此舉會收窄個人視野，言論一出隨即引起兩極反應。今日（17日）谷德昭在社交平台與網民交流、回應質疑，再度引發網民激烈的正反討論。

谷德昭澄清沒將《功夫女足》與其他電影比較之心

對於有網民批評他在電台的言論，谷德昭於facebook澄清：「我冇話過邊個啱與唔啱，有講過要放開懷抱看世界，有講過話如果因某原因就『不了』的話，我『擔心』蝕底嘅係自己（我愛香港年青一代），有好電影如：《長安的荔枝》、《滿江紅》、《好東西》點解唔試吓睇？我冇提過《Oppenheimer》（奧本海默），有講過《Odyssey》（奧德賽）係咪拍畀香港睇？冇話係比較，只係討論。網上標題黨連搬字過紙都錯，只求流量，大家有興趣請上 Archive聽原個節目。多謝各位，係咁多。」

網民繼續狙擊谷德昭？

在谷德昭回應後，網民的討論並未平息。有反對者認為：「大家反應『唔係拍俾香港人睇』嘅意思係周星馳當年受歡迎就係因為佢嘅戲有香港味道，而家無咗香港味道嘅周星馳電影已經失去咗受歡迎嘅核心元素。根本周星馳電影就係只有呢一瓣係強，無咗呢個核心元素嘅周星馳電影本身已經唔再好睇！」、「問題是你谷生的邏輯錯晒！《奧德賽》當然不是拍畀香港人睇啦！人哋本來就係國際級導演。張藝謀都不是拍戲拍畀香港人睇，亦絕無問題，大家都樂意入場睇。但星爺嘅根喺邊呢？咁既然佢有咁大志向拍套中國口味電影比十幾億同胞睇睇，咁我哋咪恭喜佢囉，我哋呢啲 minority（少數）咪唔睇囉。你明唔明個邏輯？？唔好夾硬Dull 啦！」、「又講多少少啦！長安的荔枝、滿江紅都好好睇架，好多人都識得去捧場，你唔好拿功夫女足呢D 水平既電影去比啦！你估剩係你識睇戲咩？！」。

然而，亦有網民引用吳宇森（John Woo）拍攝《職業特工隊2》（M:I-2）全英語對白為例，反問：「點解無廣東話版？」，以此支持谷德昭的觀點，認為優秀的電影作品不應受語言局限，令整個事件的討論更趨複雜。