谷德昭亲回被指盲撑星爷《功夫女足》争议列内地佳作澄清无意比较：担心蚀底嘅系自己

更新时间：21:57 2026-08-17 HKT
发布时间：21:57 2026-08-17 HKT

导演谷德昭早年曾多次与周星驰（星爷）合作，虽然今次周星驰新作《功夫女足》未有找谷德昭参与制作，但无阻他支持好友的作品。他早前于电台节目《在晴朗的一天出发》中，公开支持《功夫女足》，并评论部分网民因电影没有广东话配音等问题而发起抵制，认为此举会收窄个人视野，言论一出随即引起两极反应。今日（17日）谷德昭在社交平台与网民交流、回应质疑，再度引发网民激烈的正反讨论。

谷德昭澄清没将《功夫女足》与其他电影比较之心

对于有网民批评他在电台的言论，谷德昭于facebook澄清：「我冇话过边个啱与唔啱，有讲过要放开怀抱看世界，有讲过话如果因某原因就『不了』的话，我『担心』蚀底嘅系自己（我爱香港年青一代），有好电影如：《长安的荔枝》、《满江红》、《好东西》点解唔试吓睇？我冇提过《Oppenheimer》（奥本海默），有讲过《Odyssey》（奥德赛）系咪拍畀香港睇？冇话系比较，只系讨论。网上标题党连搬字过纸都错，只求流量，大家有兴趣请上 Archive听原个节目。多谢各位，系咁多。」

网民继续狙击谷德昭？

在谷德昭回应后，网民的讨论并未平息。有反对者认为：「大家反应『唔系拍俾香港人睇』嘅意思系周星驰当年受欢迎就系因为佢嘅戏有香港味道，而家无咗香港味道嘅周星驰电影已经失去咗受欢迎嘅核心元素。根本周星驰电影就系只有呢一瓣系强，无咗呢个核心元素嘅周星驰电影本身已经唔再好睇！」、「问题是你谷生的逻辑错晒！《奥德赛》当然不是拍畀香港人睇啦！人哋本来就系国际级导演。张艺谋都不是拍戏拍畀香港人睇，亦绝无问题，大家都乐意入场睇。但星爷嘅根喺边呢？咁既然佢有咁大志向拍套中国口味电影比十几亿同胞睇睇，咁我哋咪恭喜佢啰，我哋呢啲 minority（少数）咪唔睇啰。你明唔明个逻辑？？唔好夹硬Dull 啦！」、「又讲多少少啦！长安的荔枝、满江红都好好睇架，好多人都识得去捧场，你唔好拿功夫女足呢D 水平既电影去比啦！你估剩系你识睇戏咩？！」。

然而，亦有网民引用吴宇森（John Woo）拍摄《职业特工队2》（M:I-2）全英语对白为例，反问：「点解无广东话版？」，以此支持谷德昭的观点，认为优秀的电影作品不应受语言局限，令整个事件的讨论更趋复杂。