單文柔親證離巢TVB回復自由身 撕「陳展鵬老婆」標籤轉型做老闆：好希望畀個榜樣個女睇
發佈時間：15:00 2026-08-16 HKT
單文柔（Phoebe）自從下嫁視帝陳展鵬並誕下愛女「小豬比」後，便逐漸淡出幕前。近日她接受陳敏之的 Podcast 節目《Chi Chat》訪問，首度開腔證實已正式離巢 TVB。節目中陳敏之單刀直入問道：「我知道你最近係咪離開咗TVB啦？係咪自由身喇而家？多咗做好老婆、小豬比媽咪嘅身分，而家仲係一個商人、老闆，你覺得邊樣嘢挑戰大啲？」單文柔大方承認離巢，她謙虛回應：「其實我唔夠膽話我而家係商人，因為商人喺我心目中都係一個好叻、好成功嘅人。但我心目中覺得，因為我以前有讀 arts，又好想有啲小手作去做，慢慢就萌生咗想做一個屬於我哋屋企嘅 brand。」
單文柔讚老公陳展鵬是最強軍師
談及籌備了兩年多的品牌，單文柔坦言過程充滿血淚，在這段艱難的創業路上，老公陳展鵬絕對是她最強大的「幕後軍師」。單文柔負責美學與包裝，而理性的陳展鵬則以極高標準推動她，負責將繁複的商業流程化繁為簡。單文柔甜絲絲地分享：「佢絕對係幕後嘅功臣，佢會同我講，個核心點樣可以貼地、同大家有共鳴呢？佢覺得既然要做，就一定要做到最好，要120分先可以出。」除了生意上互補，單文柔更大爆老公私下是位「優質園丁」。搬入新居後，陳展鵬沉迷種植塊根植物，每天收工回家竟是「佢先會睇啲花先。睇完啲花先再睇個女」，彷彿提早過著寫意的退休生活，令她十分感激老公親力親為打理愛巢。
相關閱讀：陳展鵬複式獨立屋睡房曝光 單文柔為6歲女兒打造超豪成長空間 奢華兒童傢俬價值不菲
單文柔稱女兒「小豬比」有胎前記憶
除了老公的無限量支持，7歲的愛女「小豬比」更是品牌的重要靈感來源，意外揭開了一段神奇的「胎前記憶」。單文柔驚喜透露，女兒曾繪聲繪影地描述自己投胎前的畫面：「佢真係同我講，『媽咪，我未出世之前，你知唔知點解我揀你啊？係因為我喺天空度著住彩虹衫，我係彩虹仙子。』」這番童真話語啟發了單文柔將「仙子」元素注入品牌。她坦言堅持創業的另一大原因，是希望透過身教為女兒樹立榜樣：「我好希望俾個榜樣佢睇，俾佢見到媽咪做呢個brand嘅時候會失敗好多次，希望佢見到媽咪都會有好多嘅錯，但唔好怕醜、唔好驚，點樣努力去做得到。輸咗學完再贏，滿足感仲大。」如今小豬比更化身「小員工」幫忙包裝，母女倆在經營中共同成長。
單文柔學識以「抱樹法」減壓
經歷過身分迷惘與創業洗禮，單文柔如今更懂得在繁忙生活中尋找平衡，並將身心靈理念融入生活。她透露自己近年愛上大自然，更熱衷於「抱樹法」減壓奇招。她笑言最初在公園脫鞋抱樹時，老公和女兒在旁盯著，自己也怕被當成瘋子，但實踐後發現能有效排解負能量：「腳踩喺地下度，攬住棵樹深呼吸，嗰次之後我真係突然間覺得refresh咗！」對於許多處於30歲關口，面臨家庭與事業拉扯的女性，單文柔以過來人身分送上最真摯的勉勵：「我覺得無論係職場又好，媽咪都好，總之係女性，唔好唔記得要同自己拍拖，要同自己拍一世嘅拖！只要keep住同自己有一種拍拖嘅心態，嗰個安多酚就可以將你所有嘅壓力化開晒。」
相關閱讀：TVB「劇王視帝」風光不再？現身「明星晚宴」陪食飯500蚊有找 網民大感驚訝：幾時陪唱K？
