雲浩影孖鄭恩地合唱黎明金曲被整理頭髮即心動亂陣腳開心獲讚可在韓國直接出道

更新時間：23:15 2026-03-24 HKT
發佈時間：23:15 2026-03-24 HKT

HOY大型音樂企劃《歲月如歌》正播得如火如荼，在最後一集「陪伴大家的廣東金曲（世界篇）」，三位香港歌手雲浩影（Cloud）、林奕匡（Phil）及譚嘉儀，分別遠赴韓國及馬來西亞，與任昌丁、鄭恩地、陳慧恬等當地頂尖音樂人合唱。

鄭恩地Cloud合唱《我這樣愛你》

Cloud與韓國歌手、Apink主唱鄭恩地合唱黎明的經典作品《我這樣愛你》，這次亦是恩地第一次於香港電視台作公開演唱，她更大讚Cloud唱得好好，可以在韓國直接出道！今次有幸與恩地合作，Cloud表示非常開心：「今次係我第一次公開唱韓文歌曲，對住恩地本來心情都好穩定，但係喺拍攝過程中，佢突然幫我整理頭髮！搞到我心動之餘，亦打亂咗陣腳呀。」

林奕匡唱韓文被老婆嫌棄

林奕匡與韓國國民級歌手及演員任昌丁合作，演繹電視劇經典主題曲《祝君好》，而任昌丁正是歌曲的韓文原曲《Smile Again》的原唱者。為了今次演出，Phil下了不少苦功：「為咗今次嘅演出，我喺屋企不斷練習唱韓文，不過我老婆聽到嘅時候，竟然問我，你唱緊乜呀？！我都唔覺得你唱緊韓文嘅，嘩！我幾hurt呀！睇嚟我都要再努力啲喇！」