蔡卓妍遊墨爾本搵教練打網球 男友Elvis被認定後首度留言高調晒愛

更新時間:14:45 2026-02-05 HKT
發佈時間:14:45 2026-02-05 HKT

蔡卓妍(阿Sa)早前在活動上認戀年輕10歲的健身教練林俊賢(Elvis),正式公開男友地位,其後,更被《東周刊》踢爆Elvis已入住阿Sa位於東半山的億元豪宅,展開同居試婚生活。Elvis 最近連環被拍到收工後前往跑馬地學打網球,看來阿Sa被男友深深感染,日前飛到澳洲墨爾本旅行,都要專程請個教練練波。

隔空送上鼓勵

阿Sa曾透露受男友影響養成行山的興趣,感覺健康不少,看來她與Elvis志趣相投,早前飛到澳洲墨爾本旅行,連日來也在社交網大晒靚相,阿Sa表示:「講真,忙裏偷閒嘅感覺,真係比日日都放假好嘅,當然樣樣嘢都要有平衡,忙得滯又唔好嘅。」其後,她更貼出打網球照,表示自己去到墨爾本都未有偷懶:「特登請咗個教練練波,落雨都照打,係愛呀,仲要第一次俾成個團隊睇住打波,有啲壓力。」Elvis 被認定男友地位後,亦首次公開留言,附上三團火的emoji ,隔空向女友送上鼓勵,高調晒愛,相當甜蜜。