前豪門少奶晒攬仔相：有嘢都係自己可以選擇 離婚後復出唱歌 曾患抑鬱發現胰臟有腫瘤
發佈時間：21:30 2025-11-21 HKT
90年代玉女歌手「小恩子」黎瑞恩出道備受寶麗金力捧，從《發誓》、《一人有一個夢想》到《愛你這樣傻》紅遍K場。不過正當事業攀上高峯之際，黎瑞恩在無預警下與金利來集團已故創辦人曾憲梓的兒子曾智明結婚，婚後退出娛樂圈照顧家庭，但這段婚姻未能走到最後，兩人在2014年宣布離婚，黎瑞恩獨力照顧一對仔女。
黎瑞恩貼上母子合照流露幸福之情
雖然老爺曾憲梓曾叮囑兒子要安頓好黎瑞恩的生活，不過黎瑞恩離婚初期曾有段時間因鑽進牛角尖而患上抑鬱，到了2015年更發現胰臟生了兩個1.5cm的腫瘤，當刻她決定不做手術並以「過一日、賺一日」心態生活，最後腫瘤離奇地消失，亦令黎瑞恩釋懷，悟做人最重要快樂與放得開。近年黎瑞恩不時外遊享受人生，日前在社交平台貼上母子二人合照，流露幸福之情。
相關閱讀：51歲黎瑞恩遭樂壇巨星出賣新照流出 臉上特徵被網民封「福相」
黎瑞恩獨力照顧子女
黎瑞恩多年來獨力照顧女兒曾凱栭（Sheree）和兒子曾浩儒（Tyrone），雖然一對仔女先後去了澳洲升學，但無損感情。日前黎瑞恩在社交平台貼上母子二人合照，20歲的曾浩儒外型生得很高大，比媽媽還要高出一個頭，她說：「早晨呀各位，睇到人生感悟，想同大家分享吓，我哋已經去到一個唔可以成日發脾氣嘅年齡，邊個要你激心嘅人就離開佢，絕對冇必要一定要自己靠近邊個。少同令自己唔開心嘅人喺埋一齊；少同唔識感恩嘅人一齊；少同敷衍你嘅人一齊；少同成日講大話嘅人一齊，同邊個一齊舒服就多啲見，唔理佢係咩人，能夠令你心境平靜嘅人，就係自己人#所有嘢都係自己可以選擇#開心最緊要。」
黎瑞恩沒有後悔與曾智明離婚
黎瑞恩曾表示當年與曾智明離婚並沒有後悔：「其實你行人生每一段路，都係你自己揀，咁你自己揀咗，後悔都冇用，你都冇得返轉頭，咁我唔使後悔喇，我生咗兩個咁得意嘅BB，我好開心。」黎瑞恩還說：「我成日都覺得，上天係安排咗一條路畀我哋行，所以我冇後悔，就算係離咗婚，咁我咪又唱返歌，又做自己鍾意做嘅事，其實都好開心。」不過黎瑞恩認離婚是人生最低點：「我好快決定要退出呢段關係，因為我本身唔可以接受呢件事發生，唔好嘥時間喇，我哋做得幾多年人？我都咁多歲，仲有幾多年可以玩？唔好搞咁多嘢，唔開心咪拜拜。」
相關閱讀：51歲黎瑞恩憶做豪門少奶鬱出重病！拍拖時戀情已被反對 傳前夫出軌致離婚
