前豪门少奶晒揽仔相：有嘢都系自己可以选择 离婚后复出唱歌 曾患抑郁发现胰脏有肿瘤
发布时间：21:30 2025-11-21 HKT
90年代玉女歌手「小恩子」黎瑞恩出道备受宝丽金力捧，从《发誓》、《一人有一个梦想》到《爱你这样傻》红遍K场。不过正当事业攀上高峰之际，黎瑞恩在无预警下与金利来集团已故创办人曾宪梓的儿子曾智明结婚，婚后退出娱乐圈照顾家庭，但这段婚姻未能走到最后，两人在2014年宣布离婚，黎瑞恩独力照顾一对仔女。
黎瑞恩贴上母子合照流露幸福之情
虽然老爷曾宪梓曾叮嘱儿子要安顿好黎瑞恩的生活，不过黎瑞恩离婚初期曾有段时间因钻进牛角尖而患上抑郁，到了2015年更发现胰脏生了两个1.5cm的肿瘤，当刻她决定不做手术并以「过一日、赚一日」心态生活，最后肿瘤离奇地消失，亦令黎瑞恩释怀，悟做人最重要快乐与放得开。近年黎瑞恩不时外游享受人生，日前在社交平台贴上母子二人合照，流露幸福之情。
相关阅读：51岁黎瑞恩遭乐坛巨星出卖新照流出 脸上特征被网民封「福相」
黎瑞恩独力照顾子女
黎瑞恩多年来独力照顾女儿曾凯栭（Sheree）和儿子曾浩儒（Tyrone），虽然一对仔女先后去了澳洲升学，但无损感情。日前黎瑞恩在社交平台贴上母子二人合照，20岁的曾浩儒外型生得很高大，比妈妈还要高出一个头，她说：「早晨呀各位，睇到人生感悟，想同大家分享吓，我哋已经去到一个唔可以成日发脾气嘅年龄，边个要你激心嘅人就离开佢，绝对冇必要一定要自己靠近边个。少同令自己唔开心嘅人喺埋一齐；少同唔识感恩嘅人一齐；少同敷衍你嘅人一齐；少同成日讲大话嘅人一齐，同边个一齐舒服就多啲见，唔理佢系咩人，能够令你心境平静嘅人，就系自己人#所有嘢都系自己可以选择#开心最紧要。」
黎瑞恩没有后悔与曾智明离婚
黎瑞恩曾表示当年与曾智明离婚并没有后悔：「其实你行人生每一段路，都系你自己拣，咁你自己拣咗，后悔都冇用，你都冇得返转头，咁我唔使后悔喇，我生咗两个咁得意嘅BB，我好开心。」黎瑞恩还说：「我成日都觉得，上天系安排咗一条路畀我哋行，所以我冇后悔，就算系离咗婚，咁我咪又唱返歌，又做自己钟意做嘅事，其实都好开心。」不过黎瑞恩认离婚是人生最低点：「我好快决定要退出呢段关系，因为我本身唔可以接受呢件事发生，唔好嘥时间喇，我哋做得几多年人？我都咁多岁，仲有几多年可以玩？唔好搞咁多嘢，唔开心咪拜拜。」
相关阅读：51岁黎瑞恩忆做豪门少奶郁出重病！拍拖时恋情已被反对 传前夫出轨致离婚
