汪明荃羅家英結婚16年終圓夢 首披嫁衣獲不丹大師加持祝福 汪阿姐嬌艷動人惹老公情不自禁做一事
發佈時間：12:01 2025-11-16 HKT
78歲的汪明荃（Liza）與79歲的羅家英於2009年結束20年愛情長跑，在美國拉斯維加斯註冊結婚，結婚多年依然十分恩愛，近年夫婦二人經常外遊嘆世界，早前羅家英以「神秘男嘉賓」身份現身汪明荃主持的旅遊節目《帶阿姐看世界》，以「夫妻檔」組合甜遊不丹。
羅家英對汪明荃新娘造型情不自禁
汪明荃今日（16日）在IG貼上與羅家英穿上不丹傳統民族服裝的婚紗照，雖然兩人相愛足足36年，但依然愛得火熱，其中一張更見羅家英面對嬌妻汪明荃的新娘造型，情不自禁親老婆的額頭，再加上二人不時甜蜜對望及幸福甜笑，一切感覺盡在不言中。原來今次拍婚照背後，蘊含了一個重大意義。
相關閱讀：78歲汪明荃腳步蹣跚面色蒼白影片曝光 工作至凌晨鐵證網上流出 真素顏照大公開
羅家英對影婚紗相這件事一直耿耿於懷
原來汪明荃與羅家英自2009年結婚後一直沒有拍過婚紗照，汪明荃稱因為當時二人在美國註冊結婚，未有穿上婚紗或者裙褂：「佢成日問我哋幾時影返輯相，今次我冇特別同佢講，因為我要嚟到呢度先知啱唔啱，估唔到最後落實喺不丹影相，而且仲有大師同宗教嘅祝福，仲有好多村民同我哋慶祝，佢哋煮啲嘢都好好食架，真係好難忘。」羅家英對影婚紗相這件事一直耿耿於懷，多年來也有想過飛其他地方拍攝，想不到今次竟然在《帶阿姐看世界》中夢想成真，羅家英笑說：「影結婚相我覺得都係要趁我哋仲後生、靚靚哋嘅時候影番張紀念吓嘅。嗰時有諗過不如去韓國影婚紗啦、西式啲啦，我有係咁諗過吓嘅，估唔到嚟到不丹突然間，可能我同製作組約略講過吓，咁佢就暗中安排咗。」羅家英還說：「有大師加持我哋嘅婚姻，等我哋婚姻幸福，家庭美滿。跟住佢哋召集咗七、八個村婦女代表，著到好靚嘅歡迎我哋，唱歌畀我哋聽，又邀請我哋一齊跳土風舞，好簡單嘅舞嚟嘅。」羅家英在訪問上突然捉實汪明荃的仔感慨地表示：「我就還咗個心願嚟喇係咪呀？」搞到汪明荃不知如何反應，只伸手回應老公並說：「係、係、係。」
羅家英曾多次求婚也遭汪明荃拒絕
汪明荃與羅家英兩人於1988年合演《穆桂英大戰洪州》時相遇並相戀，兩人相愛多年羅家英曾多次求婚也遭汪明荃拒絕，到了2019年才決定結束20年愛情長跑，正式註冊結婚成為夫婦。兩人性格南轅北轍，汪明荃反而受到對方感染，由緊張大師變為從容不迫，笑言自己現在「都有少少幽默感」，她更指羅家英是個浪漫的人，而自己卻很現實，跟她在一起有時都好辛苦。62歲才結婚的羅家英亦稱「最後等到個汪明荃」是幸運的事情，他感謝汪明荃對他很好，比以前的女朋友都要好，並以「相濡以沫」去形容雙方的關係，他更直指汪明荃的名氣有助他的事業發展，如果他娶的是個普通人，反而會被拖後腿。他指和汪明荃的相處雖有吵吵鬧鬧，但更多時候是恩恩愛愛，另外亦指自己並不是一味小男人，其實亦有強勢一面，指即使汪明荃要他在家中幫手做家務，他也會打死不做，因為他認為這樣「不算男人」。
相關閱讀：《帶阿姐看世界》變戀愛綜藝節目？汪明荃羅家英情侶裝甜遊不丹 網民：今次唔使AA制
