炎明熹約定平安夜製造驚喜以音樂會取代歌迷聚會預告歌單有驚喜

更新時間：17:15 2025-11-12 HKT
發佈時間：17:15 2025-11-12 HKT

炎明熹（Gigi）將於12月24日在亞洲國際博覽館舉行一場《風之旅 MyVoyage Goes On Live》音樂會，門票今日開始公售。早前Gigi為演唱會拍攝海報，今次音樂會以《風之旅》命名，Gigi表示：「因為我覺得『風』好能表達我個世界，『風』可以有好多唔同形態，例如好多歌迷支持我，好多人對我好，我就滿心都係『暖風』啦，咁有時都會唔同狀態，會有冷風，更會打風添，哈哈！今次成個音樂會製作上面我都有參與，我想帶出自己好多感激的事，好多反思，好感謝我可以用到音樂表達到我内心嘅世界，亦都希望可以透過音樂，俾到大家睇到另一面一個進化當中的自己。」揀歌方面Gigi亦透露會有驚喜，大部分歌都未唱過，務求耳目一新。

與歌迷創造美好回憶

至於團隊則在現場set了一個人造田實景，令Gigi非常驚訝，「嘩，好真。有泥土添！」摸着芒草她又搞笑道，「好似摸貓貓，哈哈！」玩得非常開心。Gigi直言已經有段長時間沒跟歌迷聚會，想了很久用甚麼形式，最後覺得還是以小型音樂會的方式，歌迷應該最開心，「所以我就在一個普天同慶日子，平安夜同大家一齊過啦！希望可以創造一個美好回憶！我會努力加油，做最好表演。」

↓立即下載星島頭條App↓