汪明荃夫婦公開爆衝突！羅家英大控訴揸車被「監控」爆工人只服侍阿姐：我冇人幫

更新時間：16:00 2025-11-04 HKT
發佈時間：16:00 2025-11-04 HKT

汪明荃與羅家英近年夫妻檔專注於粵劇演出及推廣工作，近日兩人一同接受香港電台節目《戲曲天地》訪問，除了談及粵劇演出心得外，兩人還在節目中被主持問到私人生活方面。向來「敢言」的羅家英又再次在鏡頭前公開「控訴」老婆汪阿姐，令兩位節目主持當堂爆笑。

汪明荃羅家英一同受訪

近日汪明荃與羅家英一同接受《戲曲天地》訪問，節目組將部份訪問內容連同現場片段分享於臉書內，而這段影片主要談及汪明荃與羅家英之間的日常相處，羅家英在片中向阿姐大控訴，在多個內地社交平台提起熱議。

羅家英控訴揸車被「監控」

羅家英在片中提到平日駕車時的情況，他說：「我想行嗰度佢話唔好行嗰度，我想爬頭，佢話唔畀爬頭，我要快，佢話唔好開咁快，但係佢揸嗰陣呢，佢快過我㗎喎！」其後主持問到：「同對方最相似嘅係咩呢？」羅家英即時說：「乾淨！」之後鏡頭一轉，見到汪明荃皺眉說：「乾淨？我見你張枱擺滿晒嘢。」家英哥則回應說：「佢嘅乾淨同我嘅乾淨唔同，但係都係乾淨。」之後有主持表示：「你係凌亂啫！」家英再回應：「都唔係凌亂啊！佢有兩個工人幫佢吖嘛！我冇人幫我㗎，我雖然係亂啫，但係我知道啲嘢擺喺邊。」