「御用工人」梁愛近照曝光 87歲生日臉容慈祥 曾歷喪子之痛一生大起大落
發佈時間：12:30 2025-11-04 HKT
入行逾半世紀、有「御用工人」的前TVB資深綠葉梁愛淡出娛樂圈多年，一直低調生活，直到2023年驚喜現身陳奕迅歌曲《社交恐懼癌》MV劇場版，當時梁愛扮演大廈的清潔工，替陳奕迅拾回意外墮下的植物，二人有對手戲，當時梁愛的出現，掀起了不少迴響，皆因梁愛是不少觀眾的集體回憶，尤其在90年代曾於《他來自江湖》，飾演黃秋生的巴辣工人的梁愛，寸嘴與周星馳甚有火花。
楊紹鴻為梁愛慶祝87歲生日
昨日（３日）資深作製作人楊紹鴻在FB貼上為梁愛慶祝87歲生日的相片並說：「衷心祝福我最尊重嘅其中一位前輩：愛姐梁愛87歲生日快樂，身體健康，壽比南山。」相中所見，一頭銀髮的梁愛戴住皇冠型的生日帽，手執一大束鮮花，生日蛋糕相當繽紛，心情靚爆的梁愛臉上展露燦爛笑容，精神狀態不俗。
相關閱讀：88歲「御用工人」梁愛最新近況曝光！身體狀態出現明顯轉變 叮囑自己：可以死唔可以病
梁愛生日網民送祝福
楊紹鴻貼出梁愛的生日相後，不少網民留言並說：「記得她專演駁嘴家傭，兇惡鄰居。」、「前輩受專重、內心倍感溫暖、係愛呀！」、「愛姐前輩，見你那麼精神為你感恩。祝你生日快樂，身體健康，開開心心。」、「愛姐以前我好鍾意睇你做戲」、「佢演技好到位及接地！上一輩演戲唔糸背劇本，自然流露角色應有特質。」梁愛一生大起大落，小時候因家貧被親父母拋棄，送到香港富有家庭做養女，可惜梁愛的養父母家道中落，又不時欺負她，梁愛最終在12歲時離家出走。梁愛為生活做過塘瓷廠工人、大排檔侍應、工人，19歲時應徵做臨時演員，展開粵語長片拍攝生涯。直到60年代，梁愛與著名導演左几結婚，最風光時曾擁有3個工人和一個司機，但受67暴動影響，60萬資產一夜間蒸發，兩公婆淪入破產困境。梁愛要重操故業做工廠工人，左几則變賣珍藏品、名書生活，不過依然努力搵錢供兒子到英國讀大學，但兒子在2019年因隱性心臟病發猝死，終年55歲。白頭人送黑頭人的梁愛曾說：「人唔使嘆惜咁多，有啲嘢係上天整定，好似佢臨走前話畀定筆錢我，但係我嗰陣話唔使，點知佢一走乜都冇晒。好彩我孫都對我好好，佢一年返嚟睇我兩次，連孫新抱都係，本來孫仔買到屋話間房畀我，但係我唔想，大家年紀相距太大，而且生活習慣又唔同，所以我留返喺香港生活。」
梁愛坦言身體只是表面風光
梁愛去年曾接受楊紹鴻的訪問，雖然當時說話中氣十足，不過梁愛坦言只是表面風光：「我嘅身體so far so good，我係表面風光，內裏陰乾，係周身骨痛，但係我呢幾年好彩住咗水泉澳邨，環境好衛生好，住到我肥肥白白，所以我條老命喺度養住，唔錯。」梁愛又說：「不過千祈唔好祝我長命百歲，同我有仇先好咁講，我成日同自己講，可以死唔可以病，所以成日都撐住。」梁愛曾接受《星島頭條》訪問表示，試過3次因心臟揼唔到血上腦而暈倒，要送院搶救，她坦言對生死做晒心理準備：「捱一日得一日，我行得唔好又力不從心，所以已簽咗不急救同意書，唔『玩』喇！搭通天地線夠鐘就走。做人要認命，上天要人就要放人，後生求安樂；老來求去得舒服，好死好過發達。80幾歲仲唔『收工』？唔好霸住人哋個位。」梁愛亦自爆死後會捐遺體做大體老師。梁愛的演藝生涯曾與不少巨星合作過，想不到至今與周潤發仍有聯絡：「呢個世上，一個我個仔，一個發哥對我最好，好錫我。我同發哥仲有聯絡，佢好乖仔，由以前一齊拍戲到而家行山聚會都會車出車入，飲飲食食唔使我夾錢，仲會幫我夾餸斟茶，仲霸氣同我講『老嘢，你慳返啦我大把錢，有得食就食。』」
相關閱讀：獨家丨85歲梁愛曾三次送院搶救願做大體老師 為偶像Eason出山獲孝敬大利是
