墨魚遊戲2｜游學修公開炮轟鄧兆尊「早死論」：唔明白點解要講 拒絕接受參賽者早走影響遊戲性
發佈時間：16:30 2025-10-25 HKT
【試當真/墨魚遊戲2】由游學修、蘇致豪及許賢創立的YouTube頻道「試當真」在今年4月1日愚人節當日，無預警下宣布「試當真」將於今年10月底停止運作，告別作《墨魚遊戲2》亦已經於10月23日播出，今次破天荒邀請100名藝人參加拍攝，參加者橫跨不同界別如電視界、KOL界、YouTuber界及歌手界等，當中包括多名現任或前任TVB藝人，如鄧兆尊、錢嘉樂、洪天明、農夫的陸永及C君等最強綜藝精英。
學修再度公開炮轟鄧兆尊「早收工」
有「遊戲大王」之稱的洪天明和陸永雖然落敗，但二人的表現備受外界關注，被網民列為「民選冠軍」與及「賽事MVP」，至今依然成為網上熱門話題。昨晚試當真邀請近30個有份參與的參賽者進行謝票場，對於鄧兆尊表明為能「早收工」而專登輸，游學修再度公開炮轟鄧兆尊：「可能因為兆尊先生嘅言論，令大家蒙上想早收工嘅陰影，我覺得呢個係非常可惜，我完全唔明白佢點解要講出嚟。」
相關閱讀：墨魚遊戲2下集｜近百藝人中「TVB系」成最強綜藝精英？洪天明突爆「真話」：老婆叫我唔好亂射 陸永轉數快封金句王
游學修公開炮轟鄧兆尊得不到家認同
對於游學修公開炮轟鄧兆尊，似乎得不到大家認同：「你都講咗，係各人感受啦！」、「一個100蚊兼時數長嘅遊戲你想點？ 一定有人想早走，唔係下下都俾心機。大個仔啦，唔好睇嘢咁單方面。」、「長大啦，佢即使唔講，大家會諗唔到咩，又唔係真係有10萬獎金。」今次試當真的告別作《墨魚遊戲2》陣容超級強勁，有份參予的「元老級」資深藝人劉以達、鄧兆尊、錢嘉樂、張錦程、森美、小儀、洪天明與及陸永等人，全部都是綜藝節目的台柱，雖然只有洪天明與和陸永走到最後，但他們的出現，確實為節目增添了不少氣氛。在第一集被淘汰的鄧兆尊，其後曾在《田豪祖3寶channel》直播中透露與森美、錢嘉樂是夾計「早死」：「我哋係特登死嘅。我哋啲老前輩，有咩係做唔到，係咪先？要死係好難㗎，話畀你聽。你留意吓森美同錢嘉樂係點樣過三關，我哋係點樣過三關。我哋排隊嘅時候諗點樣可以死，點樣故意輸遊戲而唔畀人察覺，呢樣嘢就難度高。因為我哋拍到好攰，嗰日已經拍到夜晚7點，我哋喺朝頭早10點去。你諗吓朝頭早10點到夜晚7點，先至完咗第二個game，仲有4個game，我又要趕返去做直播。」
游學修稱未有收過任何一個通知要早走
鄧兆尊亦認為如果將來再拍，相信有一半人會拒絕：「實在困得太耐，拍攝期間又唔可以用電話，仲要係義務性質，大家真係拍膊頭支持兼做額外嘢。」游學修事後亦在直播上回應鄧兆尊，他指元祖試當真成員最早到，大約10點半至12點半就開始化妝，在拍攝前已分好組別，逐個去休息室影相：「最後一組係嘉樂哥，鄧兆尊先生嗰組，係call 12點半。因為森美大哥同小儀講明要做完節目先過到嚟，好多謝佢哋趕過嚟，所以佢哋1點先到，所以前輩組係12點半至1點先到，我哋個拍攝其實係好耐嘅，真係好耐嘅，亦都知道大家好辛苦！」至於鄧兆尊自爆特登早死，游學修直言：「我哋製作方係冇收過任何一個通知，有參賽者要早走。如果參賽者要早走，我哋會拒絕，唔想佢嚟，因為真係影響咗遊戲性。但係好好嘅，有啲前輩又好，原來佢係做好晒準備，佢要走先，但係佢交足晒戲，或者佢自己有plan，喺冇影響任何嘢情況之下，我超多謝！因為人哋其實唔使嚟，嚟得都係一個支持，一個幫手，我覺得呢個係好正，但係當然呢方面我哋唔知，我都有聽返晒啲咪，我知道佢八點要做節目，所以佢要走先，多謝佢。」
相關閱讀：墨魚遊戲2｜試當真告別作100名參與藝人名單一覽 TVB、ViuTV、HOY藝人首同框？ 《陀槍師姐》男星激罕現身
