前港男冠軍「大隻佬Rocky」正式離婚兩子同患自閉症為一事自我反省

更新時間：23:00 2025-10-24 HKT
發佈時間：23:00 2025-10-24 HKT

曾於2005年參加《香港先生》競選，奪得「健力組」冠軍後而入行鄭健樂（Rocky）目前除了擔任演員外，亦有從事健身教練工作，不過近年生活令他飽受煎熬，在2020年曾因胃部感染幽門螺旋菌要停工休養，2021年又與妻子離婚，他更要養育2名患有自閉症的兒子，結果臉上留有不少歲月痕跡，驚現「斷崖式衰老」。

幸好鄭健樂最終從低谷走出來，與結婚廿年的前妻完成離婚手續，大仔由他撫養，細仔跟媽媽生活，鄭健樂希望可以努力賺錢照顧一對兒子。日前鄭健樂接受演藝人協會的訪問，重提兩個兒子先後被確診患有自閉症：「點解兩個仔都會係？」

鄭健樂稱當時係老師向他們說：「老師話佢哋同一般同齡嘅小朋友有分別，嗰陣兩個仔應該係兩歲，同佢哋去醫院做檢查，證實咗佢哋有自閉症。雖然當時冇話咁誇張，點解呢啲事會發生喺生身上，但係都會問點解兩個仔都會有？有咗大仔嘅經驗，第二個仔知道點去處理。首先我要了解乜嘢叫自閉症，要有好多耐性和耐心，畀佢哋多啲訓練，佢哋主要係溝通表達唔係咁好，其他嘢冇乜大問題，同其他小朋友一樣。」

鄭健樂稱大仔Owen今年已經17歲、細仔亦已經16歲：「大仔好鍾意用電腦，學校話佢喺IT方面唔錯，將來可能會喺呢方面工作，大仔而家唔再似細路仔，尤其喺自理同表達能力都好轉，雖然同同齡嘅仲有分別，但係睇到有進步，我都比較放心。」鄭健樂又稱目前沒有女朋友，至於會否再婚，他坦承不知道：「我唔會諗呢啲嘢。」

↓立即下載星島頭條App↓