廖啟智遺孀陳敏兒65歲生日宣布重要事項 自揭屬慢性病患者身體狀況每況愈下：一切有最好安排
發佈時間：23:00 2025-10-17 HKT
今日（17日）是已故資深演員廖啟智太太、前TVB花旦陳敏兒的65歲生日，但今日陳敏兒貼出一張坐在窗前看風景的照片，發文透露身體出現問題：「最近遇見我的朋友，都會說：“你瘦了”，是的，身體的確出了些狀況。7月入了中文大學醫院，趕急的做了手術。現在康復中，一切都會好起來..並且，我相信會越來越好。」
陳敏兒給自己一份生日禮物
陳敏兒未有透露入院原因，到了晚上，在「好好生活」的Youtube頻道稱「生日這天，我送給自己的生日禮物——啟動「好好生活」頻道」。在直播上，陳敏兒說：「我一向都唔鍾意慶祝生日，不過喺舊年生日搞咗生日個聚會，請咗喺我生命嘅貴人同好錫我嘅人，其實呢個並唔係生日會，而係『生前告別會』。」
相關閱讀：廖啟智遺孀陳敏兒驚傳緊急做大手術 透露健康出問題：元氣大傷 最新近照身形消瘦
陳敏兒近兩年身體狀況不理想
陳敏兒希望藉着這個「生前告別會」，好好向他們道謝和道別：「我係一個慢性病患者，近呢兩年身體嘅狀況越嚟越唔理想，既然冇辦法預知未來，不如把握當下，趁仲有呢個機會，好好講出心裡面嘅說話，減少分離嘅遺憾。」陳敏兒稱今年6月身體出現嚴重情況，需要入院接受一場大手術：「喺手術之前，我梗係把握機會同兩個仔盡訴心中情，大家都唔想留低任何遺憾，我入手術室之前，進行咗一個祈禱，唔係叫自己唔好死，而係用一個開放嘅心，接納一個開放嘅結局，如果死，我係OK，如果繼續活落去，我都覺得幾好，我相信一切有最好嘅安排，所以個心係好平安。」
陳敏兒決定開設頻道實現多年夢想
完成手術後，陳敏兒在病床上醒過來，兩個兒子向她微微笑並稱這裡不是天堂，陳敏兒笑說：「原來我冇到死到，我明白上天畀個機會我好好生活同責任， 繼續好好生活。喺住院期間我不斷反醒，身體係誠實，回顧過去，我雖然學咗好多生命同生活嘅智慧，但原來我仲有好進步空間，於是我就和自己嘅身體道歉，從今以後我會改過，我會好好照顧你，學會放低執着、放過自己同放過别人。」康復之後，陳敏兒決定開設這個頻道，實現多年的夢想。其實陳敏兒今午曾再度於facebook發文，貼上與兩個兒子慶祝生日相片並說：「幸福瘦，我瘦，除了因為做了手術元氣大傷，亦因為我完全改變了自己的生活和飲食習慣。這幾個月我真的做到糖不沾唇，過去的我嗜甜如命，一過中秋節，我可以獨吞兩盒月餅。孩子觀察到我今年中秋節完全不碰月餅，明白阿媽為健康鐵了心戒甜，就特別訂製了一個無糖生酮蛋糕送給我……窩心啊！只要有愛，那怕有病，都可以感到幸福。幸福，是我們選擇的心態。」
相關閱讀：陳敏兒談亡夫廖啟智人生最大遺憾 送別至親有所領悟已辦「生前派對」道別
