李麗珍袁潔瑩罕合體爆「開心少女組」不和真相黃百鳴點名一女星零準備最後換人

更新時間：19:00 2025-10-06 HKT
發佈時間：19:00 2025-10-06 HKT

導演黃百鳴早前推出電影《開心鬼》系列，捧紅「開心少女組」，早前袁潔瑩亮相黃百鳴YouTube頻道《百鳴歌》節目，大談當年拍攝禁忌。近日袁潔瑩再度受訪，有份拍《開心鬼》的李麗珍更激罕合體，二人大爆在片場不和真相。

李麗珍開工等齊人花一小時

袁潔瑩與李麗珍相隔多時再合體，作客黃百鳴的網上節目，分享昔日拍攝《開心鬼》、《開心樂園》、《開心鬼撞鬼》的點滴。當年有傳「開心少女組」因多成員，曾傳出眾人曾在片場嗌交。李麗珍直指拍《開心鬼》時，等齊人只需要等三人，但拍《開心樂園》齊人開工，起碼要等半小時至1小時。

李麗珍直言人多難免有拗撬：「有時啲女仔會突然間發脾氣會忟家嘛，扔嘢囉，扔嘅嘢又唔係佢，物主就會話：『喂！你做咩扔我啲嘢呀？』講講講講，就變咗一場交喇！」黃百鳴又爆料當時在片場總有人每日一喊：「拍到最後一日連杜麗莎都喊。」

黃百鳴指相見好同住難

黃百鳴直指一班女演員住在一起「麻煩」，可謂相見好同住難：「住埋都幾個禮拜，雖然當中會啲拗撬，有啲（人）又扔吓嘢。」李麗珍點頭承認女仔之間難免有小磨擦，又補充未如外界想像般惡劣：「但係冇話邊個同邊個真係唔啱嘅。」黃百鳴又爆料《開心鬼撞鬼》插曲《一彎明月》原本由陳加玲演唱，但對方收到一星期仍未睇過歌詞，黃百鳴有見翌日要錄音，便將歌曲交由袁潔瑩頂上。

↓立即下載星島頭條App↓