胡定欣結婚｜圈中好友齊送祝福！陳山聰爆婚事「高度機密」全不知情：陳醫生梗係非常好！前緋聞男友陳展鵬46字回應

更新時間：12:52 2025-10-06 HKT
發佈時間：12:52 2025-10-06 HKT

現年43歲的胡定欣（Nancy）今日（10月6日）宣佈與醫生男友陳健華結婚！胡定欣單身9年後，去年底終於宣佈結交圈外男朋友，其後《東周刊》獨家揭露胡定欣的新男友就是陳健華（Akin）。陳健華是一位外科醫生，身高6呎，而且身材健碩，曾多次出任無國界醫生，而且更是被封為「醫生界AK」。胡定欣的好友陳山聰及前緋聞男友陳展鵬都向《星島頭條》表示祝福胡定欣新婚。

胡定欣結婚｜陳山聰：我哋等咗好耐

身為胡定欣多年好友的陳山聰，被問到有否見證其開心事？他透過短訊回覆《星島頭條》，表示不知情：「我都係啱啱先知，祝我呢位好姊妹同陳醫生百年好合、永結同心、永遠幸福快樂！」問可想到二人會閃婚、以及對陳醫生印象？山聰表示：「陳醫生就梗係非常好啦，又斯文、又高大威猛、又事業有成、冇得頂呀！我哋成班兄弟姊妹等咗好耐，總之開心恭喜佢哋。」

胡定欣結婚｜陳展鵬：快啲生返個寶寶

至於曾於9年前與胡定欣傳緋聞的陳展鵬，當年兩人因拍攝TVB劇集《城寨英雄》而傳出假戲真做，並成為觀眾喜愛的螢幕情侶，兩人隨後繼續合作《同盟》。對於胡定欣突爆婚訊，陳展鵬接受《星島頭條》訪問時，指為她搵到幸福而開心：「今日睇到消息，好開心好戥佢開心，祝白頭到老永結同心。知道佢都好鍾意小朋友，可以快啲生返個寶寶，家庭美滿。」

↓立即下載星島頭條App↓