「失業女藝人」突晒超強行頭參觀知名企業 曾因桃色風波事業插水走出低谷轉型從商：一切都係因緣
發佈時間：09:00 2025-09-25 HKT
現年38歲的前港姐季軍馬賽當年御任後憑天使面孔兼魔鬼身材受到TVB力捧，上位有望的馬賽在2014年爆出桃色新聞而賠上事業，最後黯然離巢。曾自嘲為稱「失業女藝人」的馬賽近年宣布轉型從商，並單拖推200斤貨來港擺攤。
馬賽貴婦造型參觀兩大知名企業
雖然創業過程吃力兼狼狽，不過馬賽依然樂觀面對，全力推廣其養生食療產品，搖身一變成為女強人！但馬賽未有因此而滿足，不斷增值自己，日前一身貴婦造型的馬賽被安排到兩大知名企業參觀交流！
相關閱讀：前TVB「失業女藝人」嘆《香港小姐》對事業冇幫助：將自己擺到好低 為生計要學飲酒和交際
創立自家養生品牌的馬賽，據知今次是由香港大學經濟及工商管理學院（HKU Business School）與北京大學光華管理學院（Guanghua School of Management）聯合創辦的兼讀制（part-time）高級管理人員工商管理學碩士（EMBA）課程的同學，先後到比亞迪及騰訊參觀交流，馬賽寫道：「感謝好友胡總安排，作為深圳長大的小朋友，這場遊學顯得更加有意義。學習了、吃了、喝、 完美了，還回憶起了童年記憶中的騰訊和比亞迪，創業的路上要更加努力哦！」相中所見，馬賽孭着價值約9萬的Hermès Lindy，一身貴婦Look十分搶鏡，全程非常認真專注。
捱過近10年低谷後，重整人生的馬賽曾表示：「26歲時面臨人生第一個大挫折，係上天對我嘅考驗，唔係所有人都可以經歷到，好彩我通過咗，變成一個內心更強大嘅人，因為從大學畢業到選港姐，又拍劇攞獎，太順風順水，未必係好事。「嗰件事影響咗大家對我嘅印象都冇所謂，唔明嘅人講咩都冇用，一切都係因緣，所有事情都唔需要太執著，回頭望，而家不論喺生活、心態、工作都好好，經已係最大嘅得著。」
相關閱讀：「失業女藝人」生活終見曙光 與最重要的人展開新一頁：是我最幸福的事
馬賽稱婚姻是人生的另一課
事業發展成功，對於婚姻，馬賽亦曾稱是人生的另一課：「我覺得女仔有一種比較錯誤嘅教育，我哋相夫教子、要為家庭付出，我啱啱生女嗰幾年， 因為疫情唔可以外出，我咪留喺屋企相夫教子，但後來發覺我唔適合呢種生活，我係事業型嘅女性。我老公當時畀咗我一個好大嘅support，所以我就開始創業，其實我覺得北方人係冇南方人咁鍾意工作，北方人嘅性格好隨意，我哋南方人好似精幹，因為放暑假，我老公幫我照顧個女，我同佢講，因為我睇到唐詩詠創業、于淼同蔡淇俊都創業，所以我想嘗試返大灣區創業。」至於與老公相識經過，馬賽說：「 嗰陣想尋求一個人嚟保護同依靠，當時我揀男朋友，就係唯一要求心地要好，其他嘢乜都唔睇。佢係喺我30歲嘅時候認識，其實我老公有一樣好， 就係北方的男人不太在乎那些東西。佢唔會追究，亦知道我全部嘅嘢，佢睇咗我好多電視劇先嚟追求我。」
