商台Dj泰山跟蘇施黃搵食被鬧足八年打散自尊：搵支筆車埋我度阿蘇回應指控：仍然係大魔頭

更新時間：21:30 2025-09-21 HKT
發佈時間：21:30 2025-09-21 HKT

50歲商台DJ泰山（本名曾匡民）早前在其YouTube頻道，透露今年初發現患上前列腺癌第四期，體內癌細胞已擴散至盆骨、頭骨、胸骨、膊頭及尾龍骨位置。幸而經過多種療程逐漸康復，體內的九成癌細胞已消失。泰山近日接受資深傳媒人金成訪問，提及由姑姐曾路得引薦認識蘇施黃（阿蘇），跟隨對方加入商台工作，卻慘被罵足8年。

泰山入行由姑姐曾路得引薦

泰山近日現身金成網上頻道節目《叔叔的愛》，提起童年往事，有牙買加血統的他，遺傳一副好歌喉，又因讀拔萃，之後到加拿大升學，大學畢業後又於加拿大中文電台做任DJ。不過泰山不享受當地的節奏，感到工作重複，便向姑姐曾路得詢問，最終由蘇施黃帶入商台發展。

泰山坦言與蘇施黃合作八年，一星期鬧足七日，學到不少東西，亦被鬧得好「甘」，泰山形容：「試過搵支筆車埋我度，個感受係好難受，譬如我寫咗一啲廣告稿，佢一睇扔落你塊面度囉，『你咁樣叫做寫過嘢呀？你咁都夠膽交俾我』，然後唔係叫你寫過，咁就行開喎。」泰山表示當時被扔完只有不停寫，寫到蘇施黃滿意為止。

泰山合作八年不開心

泰山直言蘇施黃教得少，但相信蘇施黃是憑個人經驗及感覺去判定是否可行。泰山說：「我開頭唔明，到睇到係喎，work個喎呢樣嘢，到尾會覺得點解我嗰啲唔得？呢個係我嗰時嘅感覺。」蘇施黃在待人處事上未必適用於其他人，泰山承認需要自己過濾，合作八年來不開心多過開心，但過程中學習到不少事物。

被蘇施黃責罵長達多年，泰山自言：「去到一個位唔知做咩好，覺得自己冇乜用。最經典佢講過話，如果你喺呢一行，兩年之內你紅唔到，你收皮啦！」當時泰山已跟隨蘇施黃工作逾一年，便想到自己可能不適合：「如果你喺一個長期俾人鬧嘅狀態下去工作，我又鍾意呢份工喎，慢慢你嘅自尊會打散晒、會碎晒，冇咗自己，喪屍咁樣去做囉。」

泰山還指自己與同事稱蘇施黃做「娘娘」，眾人是「公公」，因此多年來沒有反駁對方，訓練到有耐性及高EQ。泰山表示被訓練得厲害變成奴隸化：「有時人講嘢，佢都控制唔到，你要識得去聽佢嘅重點。如果我接收晒阿蘇嗰時同我講嘅嘢，我會崩潰。因為跟咗佢三個月，我打返加拿大同阿媽講，頂唔順我要返嚟，呢個女人黐線㗎！我阿媽話你捱下啦，就咁樣繼續做落去。」泰山笑言從蘇施黃身上學到鬧交的技巧。