王君馨宣揚末日將至！預言9月這兩天是關鍵 叮囑勿被科技控制勸世人醒覺：上唔到天堂
發佈時間：19:52 2025-09-20 HKT
向來奉信基督教的王君馨（Grace）日前在IG神情嚴肅表示對於AI發展的憂慮，直言「真係時間無多！真係要末世喇！」影片公開後，隨即惹來不少爭議。今日（20日）王君馨再次發功，進一步講解之前AI是世界末日元兇的言論：「今次拍呢個片，除咗解答返我上次『AI同埋末世段片』嘅一啲問題，今次仲要同大家講一個好似好抽象，但係好重要嘅訊息！」
王君馨稱網傳9月呢兩日時間好近
王君馨語重心長地說：「所有耶穌嘅門徒有一日，都一定會被提！This is the Rapture of the Church!! 係幾時我就唔肯定，但係呢件事係一定會發生！同埋近排喺網上，甚至我身邊一啲嘅基督徒，都覺得呢個日子好近，有啲仲覺得係今年嘅「吹角節」9月23/24號。Rosh Hashanah : Feast of Trumpets （no one knows the day or hour） 即係話有可能剩返幾日。」
相關閱讀：王君馨誕女後突預言將世界末日：真係時間無多要末世喇！ 直斥AI是兇手：真係好可怕
王君馨認為末日將至應該有心理準備
認為末日將至的王君馨日前曾分享了一段片段並勸世人覺醒：「因為人類創造科技的同時，說是為了人類好，大家以後會更方便，工作快一點，但是在自挖墳墓也不知道。」事隔數天，王君馨再談末日論，還引用聖經做論據說明：「無論係幾時都好，其實做基督徒都應該有心理準備耶穌任何一日都可以返嚟。我只係要問自己： 我準備好了嗎？加埋AI進展嘅速度，Bill Gates上個月話我哋好快應該會進入一個冇手機嘅世界，以後所有嘢可能會以一個電子紋身擺喺你手上。Please look up： Bill Gates electronic tattoos !!弟兄姊妹們，當呢啲事慢慢發生嘅時候，我哋千祈唔好以攞呢個獸印！為有咗呢個獸印就一定上唔到天堂！真係唔係想嚇大家，但係我必須要用愛心說誠實話！」
王君馨稱一定要醒覺好好認識耶穌
王君馨繼續說：「無論係唔係基督徒都要知道將會有一件咁嘅事發生！我哋唔好沉睡，一定要醒覺！同埋唔好淨係睇我呢一個片，自己好好去做research，好好認識耶穌，好好打開本聖經看看，尤其係馬太福音同埋啟示錄！未認識耶穌的朋友，我求上帝會打開你屬靈嘅眼睛同耳朵，知道你有一個造天造地的爸爸好愛，好愛你！愛到佢差派佢嘅獨生子耶穌基督釘上十字架為我哋嘅罪而死！」她再引用聖經並說：「『神愛世人，甚至把他的獨生子賜給他們，叫一切信他的，不至滅亡，反得永生。 因為神差他的兒子到世上來，不是要定世人的罪，而是要使世人藉著他得救。』約翰福音 3:16-17 CNV『你若口裡認耶穌為主，心裡信 神使他從死人中復活，就必得救； 因為心裡相信就必稱義，用口承認就必得救。』羅馬書 10:9-10 CNV，呢個就是神對我們的恩典同憐憫。」
相關閱讀：王君馨順利誕B女眼大大靚樣曝光 產前4個月突「轉軚」拒剖腹產子 歷十多小時自然分娩：將最好的給她
王君馨稱時間無多要好好活着
最後王君馨說：「親愛的弟兄姊妹，時間無多了，我哋要好好活着每一天，活好基督嘅生命，有啲乜嘢係你覺得神call你去做嘅事，就快啲去做啦！希望我哋遇見天父爸爸嘅嗰一日，He will say well done, my good and faithful servant. 我哋每人都做好自己嘅本分，萬事互相效力讓愛神嘅人得益處！Hallelujah Amen! God bless you all! 」
