聲秀丨吳浩康要求林錦興當面對質 被指侮辱組員引爆爭議 TVB公開完整片段還原真相

入行超過20年的吳浩康（Deep）因唱功了得本來前途無限，可惜因曾因出軌及藏毒被觀眾唾棄，親手將歌唱事業摧毀，演藝夢碎的吳浩康與郭思琳結婚後決心改過，轉行做地盤搭架工人，為養家日曬雨淋亦全無怨言，成功洗底並被網民稱為「真漢子」，連歌唱事業逐漸有起色，近日TVB邀請為真人騷《聲秀》擔任導師。

節目組公開一刀不剪片段以正視聽

向來肉緊組員的導師吳浩康在因組員林錦興（小林）在第三輪對決中獻唱《浮誇》表現不佳被淘汰，痛心疾首向對方說了一番話，希望對方日後更能珍惜及把握機會。可惜隨著網上陸續爆出不同聲音，有人聲稱播出的版本，與吳浩康於現場錄影時向小林所講帶有「侮辱」成份的訓話有分別，因而引發網民熱烈討論！昨日（19日）節目組透過無綫官方社交平台公開一刀不剪的吳浩康完整「訓勉」片段，以正視聽！

相關閱讀：吳浩康被無良公司拖糧禍不單行  驚爆慘受離奇病痛纏擾  公開駭人傷勢需「啜毒療傷」

小林《浮誇》負評如潮爆出不同聲音

在上周日（14日）播出的淘汰賽上，小林獻唱《浮誇》表現負評如潮，連評審之一的陳奐仁說：「擺明唔夠肯定同熟練，你冇特登設計邊粒字大聲同細聲，所以只有一個情緒一個feel，一口氣扯過去就應該得，係一定唔得，今日兩段都唔得。」Eric Kwok更直指：「啲音啱唔一定好聽。」 結果小林被淘汰出局，身為導師的吳浩康心痛地說：「小林，唔好再創造遺憾，呢刻見到，呢刻就把握機會。希望你透過呢次演唱，學識尊重舞台、尊重每一次機會，我能夠貢獻畀你嘅就係咁多，加油，且行且珍惜。」可惜隨著網上陸續爆出不同聲音，有人聲稱播出的版本，聲稱吳浩康在現場錄影時向小林所講帶有「侮辱」成份的訓話有分別，因而引發網民熱烈討論，昨日節目組透過無綫官方社交平台公開一刀不剪的吳浩康完整「訓勉」片段，以正視聽！片段所見，吳浩康雖然是向小林「訓勉」，但全程不但帶著遺憾、無奈及壓抑的語氣，而且更邊更邊說兼眼泛淚光、強忍淚水，言辭真摯、懇切又痛心。

吳浩康以父親身份提醒小林

片段開頭，小林先向導師道歉並承認是自己的問題：「Deep Sir，係我自己冇去做好咁多管理自己嘅方式，安排唔到自己嘅時間去練習，呢個係我嘅問題，對唔住。」隨後，吳浩康指出在整個訓練過程中，小林其實有很多時間及空間可以扭轉結果，但對方卻選擇了放棄，整個比賽期間完全沒有就吳浩康的建議爭取作出改善，白白浪費機會。 吳浩康除了一再點出小林比賽期間的不足外，還希望以自身父親的身份提醒即將為人父的小林、令對方更能因而深切體會「責任感」這項人生重要課題，最後吳浩康還不忘祝福小林：「加油，且行，且珍惜。」吳浩康「訓勉」完整版本如下：

你有空間接受真實回應㗎嘛？其實喺訓練嘅過程入面，有太多太多時間，係可以畀你扭轉呢個結果。而今日呢個遺憾，你當初已經揀咗。如果早兩個禮拜投入去練，會係點呢？我好難接受有人同我講忙，我好難，我忙到全香港都知，我一樣可以抽四個鐘擺低家爺仔乸嚟教你。結論呢？三個禮拜前同你講嘅嘢…Sorry…一個禮拜前同你講嘅嘢，你返番嚟上堂，我同你講返一個禮拜前嘅嘢，冇郁過。

所以嚟緊要做人爸爸，要學珍惜、要學面對，唔好再解釋喇。解釋只係解釋之前點解我會做得唔好，唔好再創造遺憾。呢一刻見到，呢一刻就把握機會。希望你透過呢一次嘅演唱，學識尊重，學識珍惜。尊重一啲為你付出嘅人，尊重你嘅舞台，尊重每一次機會。珍惜每一個為你付出嘅人，珍惜你嘅機會，珍惜你嘅時間，把握機會，日後你要做人爸爸唔係做歌手咁簡單，唔係淨係浪費緊自己嘅機會。

唔好再唔記得喇，知唔知呀？如果唔係第日個仔要打疫苗，你都唔記得，咁就慘，阿仔第日要返健康院架，知唔知呀？個仔嘅嘢唔可以唔記得，唔好唔記得幫佢報幼稚園，呢啲係好大件事。我能夠貢獻畀你嘅，係咁多。加油，且行，且珍惜。

相關閱讀：吳浩康轉做地盤慘遇無良公司  大爆受不公平對待：有汗出冇糧出  尋回尊重經濟卻受迎頭痛擊  

片段播出後成功為吳浩康大平反

片段播出後，成功為吳浩康作出大平反並獲網民留言力撐：「一啲都無侮辱佢，仲好語重心長地勸勉佢」、「只覺得好語重心長，最後一次去教佢（小林）做人之道，因為佢（Deep）潦倒過，亦可以堅強去面對同做實事」、「完全係恨鐵不成鋼Feel啦」、「其實吳浩康講得好好，好有道理」、「唔係侮辱，係袋錢落佢袋」、「一啲侮辱成份都冇，只係肺腑之言，好真誠」、「出呢條片還Deep一個公道，好感動。」不過小林先在小紅書聲稱「有大瓜」（勁爆話題），自爆曾被吳浩康直接說的難聽，貶到一文不值：「說我以後怎樣做人父母。」甚至在微信群組話吳浩康曾涉毒，無資格教仔等。

小林多謝各個單位唯獨欠缺吳浩康

接着小林又在Threads多謝各個單位，唯獨欠缺吳浩康，有人隨即留言炮轟小林：「導師都唔多謝一聲？？」、「人哋用親身經歷講到入心畀你聽，你就覺得人哋落你面唔尊重你，又話人哋鬧你，大佬點樣啊？」、「咁唔得閒 仲參加咩選秀比賽啊？ 用返啲時間努力搵奶粉錢啦你，唱歌唔啱你！」、「吳浩康以前吸毒係事實，但至少識知錯，反省，負責，你覺得吳浩康鬧你？吳浩康真心教你做人！生咗小朋友唔好一句忙就大晒，真係要做，要記得，要搵錢養的！希望你真心多謝吳浩康袋錢入你袋！」吳浩康亦有在TVB官方IG留言「要求林錦興當面對質」。另外有留言指有KOL聲稱在錄影現場見到吳浩康鬧學員，吳浩康太太郭思琳留言撐老公：「TVB已發放『一刀不剪版』，事實勝於雄辯，看完記得回覆我哪一句有侮辱成分喔，我真的很好奇呢。」