《女神配對計劃》李芷晴拒愛遭網民出言侮辱狂轟「拜金收兵」 親自回覆評論神逆轉
發佈時間：13:30 2025-09-18 HKT
林盛斌（Bob）擔任金牌媒人主持的戀綜節目《女神配對計劃》，已於周日（14日）揭盅五位女神情歸何處，當中的葉蒨文（Sophie）、梁敏巧（Maggie）、羅毓儀（Yuki）配對成功，李芷晴（Stephanie）與關嘉敏（Carman）選擇單身。李芷晴事後出PO發表感受，強調拒絕林焌堯（Jacob）並非對方問題，慘遭網民批評拜金收兵，戲弄男方。
李芷晴指自己戀愛腦
李芷晴在節目進行期間，多度表達與Jacob林焌堯投契，但最終面對林焌堯Jacob深情剖白時，轉身選擇單身，又向Jacob派「好人卡」，指自己太過戀愛腦：「諗得唔夠清晰、清楚，就去開展一段關係。」引起網民嘲諷。
相關閱讀：女神配對計劃｜Jacob年薪80萬做臨記？拍廣告人設崩壞被質疑扮乖仔 李芷晴拒愛惹負評
李芷晴之後在社交平台撰長文感謝節目所有人，又指自己「好似上咗一堂戀愛課堂」，李芷晴表示：「但我依然相信愛情，真係好想認真發展一段關係，所以變得更謹慎。如果自己問題未解決，就去開展一段新嘅關係嘅話，我相信呢段關係唔會長久，亦對大家都唔公平。」又稱：「拒絕一個人並唔係一個咁易嘅決定，拍攝當日我都好緊張、非常掙扎，搵咗好多人去傾」。
相關閱讀：女神配對計劃｜大結局3位女神配對成功 曾展望嘴對嘴錫葉蒨文 關嘉敏痛哭同男神有緣無份
李芷晴的帖文獲Jacob回覆：「尊重你嘅決定，希望你幸福」，節目的其他參賽者Jaden、Matthew、Matt也有留言為李芷晴打氣：「多謝我哋嘅女神Step帶俾我哋一個精彩難忘夏天」、「掂㗎啦，唔會冇人要㗎」、「你個決定真心唔易做，respect and proud！」
李芷晴被指浪費求愛者時間
但李芷晴的言論引起不少網民反感，認為她戲弄Jacob，留言批評：「其實你參加嚟做咩？」、「對jacob冇feel就冇feel啦，講到自己未準備好拍拖」、「你唔係搵男朋友，何必要參加女神配對計劃簡直浪費晒所有求愛者嘅寶貴時間」、「更加了解自己係拜金？」
相關閱讀：姜卓文被鬧爆辜負關嘉敏 大爆拒愛原因竟關節目拍法事？直認低估節目：冇諗過咁爆
李芷晴對有網民用侮辱性字眼批評，以極高EQ回覆：「如果你唔理解我嘅諗法我好尊重，亦都好歡迎你分享你自己嘅諗法，但係希望你唔好用呢一啲嘅字眼去侮辱人」。有人提意改字眼：「改下第二個字會合理d 拜金」，原用侮辱性字眼的網民亦再留言，承認自己言辭過激，用上不恰當字眼而道歉。
李芷晴被《東周刊》直擊密會Jacob
李芷晴於今年7月中，被《東周刊》獨家爆密會Jacob，報道刊出後引起熱議。當時李芷晴稱與Jacob了解中：「同我喺個節目上同組嘅其他成員一樣，都係了解中嘅，始終個節目仲未拍完，我都覺得唔好急、慢慢嚟，大家唔好咁心急啦。」
相關閱讀：女神配對計劃丨周嘉全因李芷晴被批世界大兵！因一事討厭自己 徹夜難眠內疚感不斷湧上
