姜卓文被鬧爆辜負關嘉敏大爆拒愛原因竟關節目拍法事？直認低估節目：冇諗過咁爆

更新時間：18:00 2025-09-17 HKT
發佈時間：18:00 2025-09-17 HKT

《女神配對計劃》早前播出大結局，女神關嘉敏於節目中（Carman）決定保持單身，她表示雖然自己情傾「細John」姜卓文，但對方卻是「對的人、錯的時間」，直指雙方「有緣無份」。不少觀眾都替關嘉敏不值，認為姜卓文玩弄女方感情，指他若未準備好就不該參加戀綜。姜卓文近日接受專訪，重申自己不會玩弄感情，並指出因為節目的一些制度，讓他和關嘉敏接觸機會減少，並道出自己拒愛的真正原因。

姜卓文：報名時真的想拍拖

姜卓文表示自己在報名初期，當時是準備好去拍拖，不過報名及知道入選時，自己於演藝圈的機會卻突然接踵而來，他表示自己等了多年、準備自己多年，如果不好好把握就對不起自己。而他亦表示最初轉到關嘉敏的一組，是因為進劇組再接觸關嘉敏，對方非常Nice並主動跟他傾談，所以就棄李芷晴而進入關嘉敏的一組。

姜卓文追求感覺減低關節目制度事？

姜卓文直指他和關嘉敏的確是有火花，二人很有默契，但就正因為關嘉敏也是行內人，故此明白現階段他分身不暇，希望全力發展事業，另外亦因為節目的拍法和制度，令二人相處的時間減少，亦因此而減低渴望拍拖的想法：「當初關嘉敏可能覺得我好安全唔會被淘汰，所以三角飯之後就揀同Matthew約會，再之後入營時，我又撞唔中佢嘅答案，反而Matthew做到了，有機會同關嘉敏去過夜，當時我諗，似乎個天好似有安排，當時我工作排得密密麻麻，令我分唔到心，對自己嘅表現都有影響。」

姜卓文：估唔到節目咁爆

姜卓文又指，參加這個節目令他更認清自己的戀愛觀，而以往太戀愛腦而受傷，亦有影響自己的決定：「經歷以前幾段長達一年以上嘅戀情之後，我唔可以再好似以前咁衝動咁投入一段關係。」而姜卓文話想不到這個節目會這樣受歡迎：「我哋大家亦都估唔到個節目會爆到，真是全城熱話；我以為只係普通電視節目，雖然是戀綜、應該都有人睇下，但我哋都估唔到會咁熱」。