「世界級港女」破產前做定準備？扭轉負評被力推做公主教母：真係出類拔萃
發佈時間：15:00 2025-09-17 HKT
「世界級港女」杜如風（Helen）主持的王牌旅遊節目《解風東京2》目前在TVB Plus（82台）熱播中，一如過往，杜如風繼續介紹「鄉下」日本「食玩買」好去處，「無預算」在東京喪玩、喪食兼喪買。
雖然杜如風曾因經常炫富，試過自爆屋企有過千對鞋，物質主義形象深入民心，而被網民封為「世界級港女」，一度惹來劣評如潮，不過杜如風一於懶理，想不到今次竟有人視杜如風為人生目標：「我人生嘅其中一個life goal係好似杜如風咁喪買嘢。」
相關閱讀：49歲富貴「渣男磁石」暴脹多時仍難忍口！曾因XX服類固醇肥腫難分 屢被背叛單身10年
杜如風一見名牌袋表現失控
日前有網民在Threads開po，轉發杜如風shoping的片段並說：「我人生嘅其中一個life goal係好似杜如風咁喪買嘢。」片中看到杜如風在上一輯《解風東京》去了中古名牌手袋旗艦店，「介紹一個叫價57萬yen嘅CHANEL的筒型手袋，相當於33000蚊港紙，她直言：「我買埋啲袋其實係希望有一日破產嘅時候拎晒啲袋去賣。」反而買了一個紅白藍造型的袋。今輯杜如風亦舊地重遊，看到個星星型CHANEL的筒型手袋，叫價80萬yen，相當於4萬幾蚊港紙，接着又睇中一個迷你背囊，同樣叫價80萬yen，相當於4萬幾蚊港紙，搞到杜如風大叫頭痛兼手痕。
杜如風被網民力推做公主教母
有人留言稱杜如風根本不是「世界級港女」而是正宗香港公主：「唔係公主病，而係伸隻手出嚟有人埋單。話今日好悶就會有10個男仔揸車喺樓下等。放工會有仔揸車搶頭淡湯等。我相信好多人都唔知佢乜來頭，就算80後都未必人人知，但知道嘅會覺得佢係好X傳奇，根本係公主教母。」、「Yes!!!! 佢真係好傳奇!!! 有段時間我真係覺得佢係香港嘅Paris Hilton。」、「佢做節目好唔好睇就見仁見智，但使錢嚟講佢真係出類拔萃，呢個桶真係幾靚。」、「睇佢買嘢好開心。」
相關閱讀：解風大阪丨杜如風帶睇過百萬Hermès鱷魚皮Birkin！即場碌卡買袋眼都唔眨
杜如風的感情生活dry爆
不過杜如風的感情生活dry爆，曾與導演郭子健、余文樂等人傳緋聞，又自爆自己年輕時很多追求者，多次被人求婚，但目前單身冇拖拍。杜如風曾自爆與偶像派男藝人交往，由於男方不能公開戀愛，二人去謝霆鋒家拜年時為了躲避狗仔隊，杜如風不惜躲在車尾箱內，由男方開車載她到謝霆鋒家。年輕時曾有三位追求者開名車到她上班的地方接她下班，亦有前度為她包下中菜館共享晚飯。她更承認曾多次被求婚，最早一次是19歲時認識的初戀情人，但自從被封為「世界級港女」後便再無追求者，杜如風亦曾為自己平反：「我從來唔使男友嘅錢，住屋或旅行都係AA制，仲會買禮物送畀男朋友。」杜如風曾在《數你條命》稱多次遇上渣男，跟其中一位偷食慣犯舊愛經歷多次離合，她提供舊愛電話號碼的前4個數目字，事後被指竟與前度黃又南的電話號碼完全一樣！不過黃又南也即時在社交網寫下一段長文劃清界線。
