女神配對計劃｜大結局3位女神配對成功 曾展望嘴對嘴錫葉蒨文 關嘉敏痛哭同男神有緣無份
發佈時間：22:00 2025-09-14 HKT
由林盛斌（Bob）擔任金牌媒人兼主持的《女神配對計劃 最後告白》，今晚（14日）播出大結局，五位女神：葉蒨文（Sophie）、關嘉敏（Carman）、梁敏巧（Maggie）、羅毓儀（Yuki）及李芷晴（Stephanie），與七位求愛勇者曾展望GM、林堡熙Eddie、細John（姜卓文）、黃家俊（Matthew）、劉啟進（Matt）、林俊其（Kris）及林焌堯（Jacob），將齊齊穿上婚紗和禮服，於布置浪漫的禮堂中進行「終極配對」。最終5位女神當中有3位配對成功，另外2位失敗，其中1位更感受刻骨銘心的痛，無論男、女雙方都不禁落淚。
關嘉敏明言鍾意細John
從節目一開始就備受注目的細John姜卓文，因為是姜大衛之子而令人倍加留意，由海選時他和關嘉敏非常夾，之後就一度迷失，去到節目尾聲更幾乎被淘汰。去到最後大結局，細John和女神告白，他表示一度好擔心女神會點睇自己，但關嘉敏卻一直對他十分包容，他的願望就是對方開心做自己。雖然黃家俊對自己極佳，後者亦好希望可以和關嘉敏配對成功，但到關嘉敏要選擇時，卻寧願選擇單身。
相關閱讀：女神配對計劃丨5大女神進行「終極配對」 葉蒨文陷「2揀1 Dilemma」爆喊 林盛斌為有CP配對成功肉緊大嗌
關嘉敏細John有緣無份
原來關嘉敏一直對細John情有獨鍾，二人於最後抉擇前，來了一個深情傾談，女方明示自己鍾意對方，但卻知道細John對新一段感情還未Ready，故此選擇支持對方，即使男方未能向自己回饋愛意，亦會作出包容。於今集最後抉擇時，關嘉敏選擇單身，她表示：「一個係對的人、錯的時間，一個就係錯的人、對的時間。我知道Matthew你係個筍盤，但我唔可以對你咁唔公平，因為我個心有第二個。」開始痛哭的關嘉敏，就向細John表示：「我冇諗過我同你係咁夾，但係就有緣無份。你未Ready，係最好嘅一個選擇，之後我唔會對你再有任何嘅考慮，多謝你令我咁主動，我會笑住同你講拜拜」，說畢她和細John都流淚。
曾展望嘴對嘴錫葉蒨文配對成功
而「國民CP」葉蒨文和曾展望，最終就大熱配對成功。曾展望在最後告白時，只是想像不能之後和葉蒨文就覺得受不了，而他想之後每一次約會，都和對方講一句說話，希望葉蒨文會對他轉身，給予機會大家發展。面對GM和林堡熙Eddie，葉蒨文最終選擇GM，她表示：「節目中首次見到你，我已講過唔需要嗰5秒考慮，今次亦唔需要嗰10秒。我想用最快速度轉向你，希望嚟緊，我哋人生面仲有好多約會，好嗎？」曾展望笑住話：「梗係好啦。我愛你、我愛你、我愛你，之後做我女朋友，畀我之後保護你」，隨後就嘴對嘴錫向葉蒨文，惹來全場掌聲。
李芷晴含淚拒絕Jacob
另一對備受觸目的CP，梁敏巧和Matt，當Matt作最後告白後，梁敏巧於最後1秒轉身應承和對方開始，宣布配對成功。Matt曾表示在他們之間，好像有一道牆，梁敏巧指好多謝對方多月來都努力想移開該道牆，她希望在鏡頭外，可以和Matt一起努力向目標進發。而羅毓儀和林俊其，就大熱配對成功，反而是李芷晴未有接受Jacob的愛，她表示因為自己仍未懂愛自己，故此不打算在這一刻開始戀情。
相關閱讀：女神配對計劃｜梁敏巧MATT深入接觸 一動作無限接近女神私密部位 Maggie流淚向男方剖白
