《中年好聲音》選手喪妻報《東張》求道歉 新婚妻於劏房觸電身亡 業主女婿：冇印象
發佈時間：22:00 2025-09-09 HKT
早前《東張西望》報導劏房暗藏漏電危機，苦主Yuki疑因熱水爐漏電，導致觸電差點沒命，今晚（9日）《東張西望》繼續跟進事件。《中年好聲音》選手劉建偉（Kenny）現身《東張西望》，表示看到報導非常氣憤，事關他的新婚太太正是受害者之一，他主動聯絡《東張西望》，在節目中表示希望得到業主的道歉，而非只有賠償。他說：「我並唔係要啲錢，我寧願佢同我講句對唔住啊！我唔要錢，起碼你會認錯，佢到而家都冇啊！」
劉建偉老婆5年前於劏房觸電離世
劉建偉5年前與女友Annie結婚，豈料結婚短短5個月便天人永隔。Annie於2020年8月在旺角花園街一個劏房單位內，因觸電意外不幸身亡，終年36歲。事隔5年，劉建偉接受《東張西望》訪問，重述慘劇經過及5年來追究責任的漫長道路，坦言至今仍未能完全釋懷。劉建偉看到另一苦主Yuki的經歷更加氣憤，「點解會不斷發生呢啲事，完全冇進步過，一發生呢啲事，就會諗番起，我點樣開門見到我太太點樣走！」
相關閱讀：東張西望丨已婚婦被「駐港部隊型男」騙百萬：佢對我有興趣，信黨員 怕刺激住老人院丈夫隱瞞到底
劉建偉憶述新婚妻慘死
2020年8月1日下午，劉建偉接到太太同事的電話，指她當日無故缺勤。劉建偉趕回劏房單位，赫然發現太太倒臥在浴室內，已無生命跡象。他說：「我一上去就發現我太太已經……睇到佢已經隻腳已經紫晒，個人已經趴咗喺個馬桶度，個頭已經貼住牆，一睇就知道已經走咗……當時我已經係崩潰。」他表示，當時見到太太腰間壓着花灑水喉，身體有燒焦痕跡，「我打算抱起我太太嗰陣，都未斷電。好肯定係我太太並唔係打開水龍頭而導致觸電，我太太身體根本係乾嘅，花灑根本冇打開過，就咁走咗啦……我唔知我老婆電咗幾耐先死㗎，我亦都唔敢去問，我哋都係啱啱新婚咋嘛，前後仲未到五個月。」劉建偉相隔5年，重回出事地點樓下的花園街，回想與太太相處時刻，都忍不住哽咽，「我喺呢度同佢第一次約會，等嘅地點就係呢度，就喺佢樓下，點會忘記？」
相關閱讀：《東張西望》直擊李金凱參加《中3》爆紅後衣錦還鄉 家族成員全曝光 有兩個餅印家姐
業主女婿對事件避而不談
出事後，業主將單位打回原形不再做劏房，劉建偉花了幾年時間追究責任及賠償。劉建偉表示：「你賠一蚊畀我，你賠一億畀我都冇用㗎，我要嘅係佢個人啊！」業主事後一直神隱，將賠償一事全交女婿負責，劉建偉坦言再多的金錢也無法彌補失去摯愛的傷痛，希望得到業主一句道歉。《東張西望》攝製隊曾聯絡涉事單位的業主女婿陳先生了解情況。 然而，陳先生在電話中多次表示事件已是「多年前的事」，聲稱自己「真的不太清楚」及「沒有印象」，對是否會向受害人道歉或承擔責任等問題均避而不談。
相關閱讀：東張西望丨兒子質疑父殺母？查亡母自殺真相父子對質爆衝突 解剖報告揭死者多達16處傷痕
苦主Yuki患創傷後遺症及抑鬱
至於另一苦主Yuki，現時與男友黎先生暫住在朋友家，Yuki因事故導致創傷後遺症及抑鬱。他們批評劏房單位的業主罔顧租戶安全，業主更加一直神隱，黎先生表示：「你將單位出租畀人住，有人喺呢個單位受傷，其實我唔知佢而家覺唔覺得自己有冇責任啦，但我覺佢至少也應該打個電話畀我，睇吓我情況如何。冇理由出事之後一、兩個月都無影無蹤，唔可能㗎！而家我真係要死啦，我差啲死啦。」《東張西望》攝製隊也嘗試直接前往物業代理查詢，但對方一聽到是《東張西望》來訪便立即關門。而負責該單位的物業代理，其職員亦拒絕回應事件，更一度下逐客令。
