林盛斌公開家居發財風水陣！指餐枱屬「財富中心」擺5物品有效招財 忌放一種家居常見東西
發佈時間：12:30 2025-09-09 HKT
現年45歲的林盛斌（Bob）近年在娛樂圈越撈越掂，不但主持工作越做越有，更成為時裝店「POPCORN」和娛樂製作公司「棋人娛樂」的老闆之一。近年他經常分享他個人的風水催財大法，包括早年曾分享的使用長銀包等方法等。近日林盛斌再次分享催財方法，他指自己試過覺得效果不錯。
林盛斌指家中餐枱需保持整潔
林盛斌近日在社交平台發新帖文，他笑言自己雖然並非風水玄學家，但相信「能量」及「氣場」之說：「我想教大家一個唔錯嘅招財小方法。請大家留意吓自己屋企嗰張飯枱，真係唔好睇小佢，其實佢係你屋企一個好重要嘅位置，亦都可以咁講，餐枱係你嘅財富中心，所以請你時常保持整潔，唔好放啲無謂嘢同雜物上去，最衰最衰嘅就係放埋嗰啲乜單物單喺度，即係嗰啲銀行單、卡數單、電費水費煤氣費嘅單，呢啲真係要全部清走佢！」
相關閱讀：林盛斌靠一件隨身物催財運 阿Bob旺財運法9招曝光 送C君冇銀碼支票有寓意
林盛斌「餐枱發財陣」包含5物品
林盛斌續說：「另外請你喺餐枱上，擺放以下五個物品：1 新鮮嘅黃色花、2 新鮮嘅水果、3 麵包、4 黑胡椒、5 鹽。呢幾樣嘢我屋企已經擺咗一段時間，我覺得效果係幾正嘅，有啲料嚟嘅，我亦都私底下話咗比幾個朋友仔知道，不約而同地，佢哋都話即刻見到啲效果。」
相關閱讀：Bob林盛斌揭曾因太寸嘴被「接放學」圍毆 一度埋怨社會：好多人想你死｜與天地對話
林盛斌出身於小康家庭，早年與家人居於西營盤第二街。林盛斌的父親，在他讀中學時曾在內地開設電子加工廠，及至1997年經歷金融風暴後家道中落。林盛斌在2000年中七畢業後在香港城市大學專業進修學院修讀屋宇建造系高級文憑，至二年級時認識了時任新城電台DJ的陳小芝。2003年4月1日，林盛斌正式成為電台唱片騎師，並逐漸成為廣播節目《新香蕉俱樂部》的要員，及至2009年更加入無綫電視至今，一直發展順暢。近年他在電視、電影及商界均發展順利，不但是知名DJ、主持及司儀，更成為娛樂公司老闆。
相關閱讀：林盛斌又再做老竇？無預警下宣布「第五胎」出世 連名字都改好：絕對唔會失禮
