梁詠琪親迎基層家庭復辦「小黃花影院」與200人同樂睇戲

更新時間：15:15 2025-09-08 HKT
發佈時間：15:15 2025-09-08 HKT

由梁詠琪（Gigi）、李心潔、楊采妮、許茹芸一起創立的「小黃花慈善基金」，自2007年成立以來，不遺餘力幫助社會上弱者社群，每逢暑假，Gigi為基層學童安排不同類型活動，當中舉辦了多年的「小黃花影院」，讓父母與子女一起到戲院欣賞暑期動畫影片，享受天倫之樂。惟近年受疫情影響，加上Gigi忙於世界巡迴演唱會而無奈停辦。

「小黃花慈善基金」2007年成立

最近，忙於宣傳電影《無名指》的Gigi仍騰出時間，以「小黃花慈善基金」創辦人身分，與「香港基督教女青年會」合辦「童心同行光影同樂」電影分享會活動，當日來自女青年會五個不同的地區中心，合共62個基層家庭，由父母帶同子女超過200人，一起來到九龍灣淘大MCL戲院觀賞《多啦A夢：大雄之繪畫世界物語》。Gigi表示：「疫情期間『小黃花』冇辦法舉行暑期活動，嗰段時間我哋都有幫手籌集消毒用品、口罩、快速檢測包，捐去唔同嘅機構，因為當年呢類用品供求都好緊張，尤其係好多基層家庭，好缺乏呢方面嘅資源，所以『小黃花』都希望可以出一分力，幫助有需要嘅人。」復辦「小黃花影院」，Gigi興奮說：「一家人買飛入場睇戲，好似微不足道，其實好多家庭未必有呢個經濟能力，能夠喺暑假，小朋友最開心嘅日子，有爸爸媽媽帶住一齊去睇戲，係一件好開心嘅事！」

當日Gigi穿上鮮黃色的「小黃花」會Tee，提早到達戲院迎接這班「特別嘉賓」，更在戲院門口向每一位小朋友送上多啦A夢貼紙，女青年會五個地區的青少年綜合服務中心就各派出一位小朋友代表，向Gigi致送由他們親手造的紀念品。正投入新戲拍攝的Gigi說︰「今年除咗『小黃花影院』，我哋仲有贊助一班有學習障礙嘅學童，幫佢哋搵老師學習跳街舞，我覺得未夠，希望明年暑假『小黃花』可以舉辦多啲活動，讓更多有需要嘅小朋友受惠，等佢哋可以過一個有意義、充滿歡樂回憶嘅暑假。」

↓立即下載星島頭條App↓