熱氣球嘉年華丨宣萱先係大贏家？ 坐熱氣球「成功升空」片瘋傳 網民推爆：贏咗99.9%香港人
發佈時間：16:05 2025-09-05 HKT
熱氣球節／中環／熱氣球節／宣萱／萬凰之王丨一連四日的中環海濱熱氣球節昨日（4日）正式開鑼，不過首日開鑼即「甩轆」，原來主辦方未及成功申請載客許可，結果首日活動只能遠觀而不可登上熱氣球，事件令入場人士深感不滿。
熱氣球節風波令宣萱成熱門人物
不過事件竟然令宣萱成為熱門人物，而且還令她在2011年演出《萬凰之王》的片段翻HIT，當日劇情壞事做盡的皇后「鈕祜祿伊蘭」宣萱希望與道光皇帝陳錦鴻重修舊好，可惜陳錦鴻拒絕赴會，最後宣萱只好獨個兒坐上熱氣球升空，有網民笑言：「宣萱先係搭熱氣球嘅最大贏家。」宣萱的經理人在IG限時動態，亦有轉發片段。
相關閲讀：TVB「千禧視后」認黑面神 屢傳跟女星不和：啲人只諗自己 數大疊銀紙平衡拍劇不滿心理
今次熱氣球節風波竟然令宣萱在2011年為TVB演出的台慶劇《萬凰之王》結局翻hit，再度成為熱話。在劇中被陳錦鴻拒絕赴會的宣萱，最終心死地獨自坐上熱氣球，俯瞰紫禁城後冉冉升空並霸氣地說：「寧我負天下人，莫讓天下人負我，我要主宰自己嘅命運，做一個萬凰之王，母儀天下。」最後見熱氣球升至彩虹之上化為鳳凰，畫面以文字交代道光皇帝駕崩後，由宣萱的兒子接手成為皇帝，宣萱成為終極大贏家。其實當年結局播出後，已經有不少爭議，有人認為編劇的安排有不少隱喻，非常有心思， 不過亦有人笑稱電腦特效非常粗糙，熱氣球的設計根本難以坐人，整體比例都是錯，加上見到宣萱升至半空時，熱氣球都是沒有火在燃燒，有人直說：「完全穿晒崩，真係笑咗！」
不少網民在討論區紛紛留言，有人說：「我見到單新聞都諗起宣萱。」、「宣萱應該點都估唔到，自己會由林家謙演唱會一路紅到熱氣球節，成個禮拜全香港都講緊佢。」、「真係得佢成功坐到熱氣球。」、「宣萱經常被綁架，已贏咗99.9%香港人。」、「個個都想學佢做萬鳳之王，可惜唔係你話想做就做。」、「一個人原來都可以盡興」、「然後越飛越高，消失人間。」「想知道她最後飛左去邊？點落番來呢？」有人搞笑回覆：「拍完劇就行返落嚟了。」,甚至有人將宣萱早前為林家謙擔任個唱嘉賓時合唱《在空中的這一秒》配上《萬凰之王》大結局的畫面，完全沒有違和感，還有人說：「宣萱仍然係香港唯一坐熱氣球升上半空嘅人！」
相關閱讀：國際熱氣球節｜熱氣球節第二日仍未獲批載客 主辦方「放氣」處理 入場人士失望：無得升空應退款
