王君馨誕女後突預言將世界末日：真係時間無多要末世喇！ 直斥AI是兇手：真係好可怕
發佈時間：14:00 2025-09-03 HKT
王君馨（Grace）今年5月剛誕下女兒Audrey成為人母，向來奉信基督教的她，較早前突然在社交平台拍片直言將要世界末日。王君馨神情嚴肅表示對於AI發展的憂慮，直言「真係時間無多！真係要末世喇！」影片公開後，隨即惹來不少爭議。
王君馨：仲有AI伴侶真的很可怕！
王君馨近日上載一段新片在個人社交平台，她在片中穿上一個黑色吊帶上衣，神情非常嚴肅地說：「Hey Guys，我今日呢好想分享一啲嘢，但我真係覺得我可能係同一啲弟兄姊妹講，因為我覺得鋅係時間無多啦，真係要末世啦，點解呢？我真係，我一路一路呢段時間，日日都喺度睇緊啲AI嘅發展，其實我係冇用AI，除咗Google search。但係AI行緊嗰個方向，其實我自己真係好恐怖，嚟緊我哋個個都會用AI，依家AI又進入緊啲學校，AI進入我哋所有，所有內容設計，拍片甚至電影，依家係成部都係AI整出嚟，依家有AI藝人，依家AI又會令到我哋根本分唔出乜嘢係真乜嘢係假！加埋依家仲有AI嘅伴侶，真的很可怕，跟住啲人係同佢哋嘅AI伴侶結婚。」
相關閱讀：王君馨順利誕B女眼大大靚樣曝光 產前4個月突「轉軚」拒剖腹產子 歷十多小時自然分娩：將最好的給她
王君馨指人類已處於孤獨流行
王君馨續說：「你諗吓，AI伴侶，你淨係輸入落去，你個伴侶係咩性格，佢係跳皮啲，定係講啲說話冧啲，定係好明白事理，定係點。你係創造一個性格給你的AI，對吧，當你繼續同呢個AI傾偈時，佢就不停讀取緊你，為甚麼呢？因為它可以操控你，當一個人喺度讀取緊你時，佢亦都冇意識，佢淨係知道你鍾意啲咩，淨係畀啲你最鍾意嘅答案你聽，跟住加埋嚟緊Elon Musk又整機械人，成個成個世界好多人都做緊機械人，真的好危險，因為真的好似快餐，這讓你感覺良好，依家已經有啲人同啲AI嘅伴侶一齊，跟住有日就去自殺，因為走火入魔，將來大規模生產的機械人係幾多錢呢，2萬蚊美金一個機械人，即是16萬港幣對吧，真的好瘋狂！你有埋呢個AI機械人，你又可以幫佢換臉，揀佢個頭髮，揀佢個眼珠嘅顏色，佢嘅聲線等。」
相關閱讀：38歲王君馨雙膝跪坐晒6個月巨肚！鄧紫棋領軍明星閨蜜團摸肚送愛
她又指：「真係好恐怖，我哋依家人類已經喺一個孤獨流行，好多人係好孤獨，所以佢哋都唔需要去學習，點樣去同其他人相處，當你日日對住呢個AI，佢日日同你傾偈，每日在讀取你，然後你會上癮，但你嗰個癮係咩呢？因為你太習慣，有人每日同你講嘢。」最後她還留言說：「可能你哋會覺得我講嘢太激進，或者諗太多，但係呢個係事實… 我一定要用愛心說誠實話。」
