伍富橋「億萬老婆」梁兆楹出戰《領廚爭霸戰》因一事廚藝大爆發享受為家人下廚：好滿足嘅事

更新時間：22:00 2025-08-23 HKT
發佈時間：22:00 2025-08-23 HKT

由蔣怡（Coco）主持聯同兩大星級名廚張錦祥（Ricky )及余健志（Jacky）任主評判的HOY TV 全新飲食競技節目《領廚爭霸戰》將於9月8號起逢星期一至五晚上8點半播出。經過入圍賽之後，12位準廚神順利誕生，由2025年7月7日中午12點至 2025年8月31日晚上11點59分，click入最強人氣廚神投票活動選出你心目中廚神。

伍富橋億萬太太梁兆楹對戰前TVB首席主播張文采

12位準廚神當中，除了有前無綫新聞首席主播張文采外，伍富橋（Alvin）的億萬太太梁兆楹（Shirley）亦有參賽！節目組還特別製作了一場「藝人明星示範賽」，邀請了李尚正（阿正）、盧頌恩（妹頭）、朱智賢、陳思圻、譚嘉儀、樂翊榆、利穎怡、游莨維（一蚊 Joe）、梁凱晴及馬田參加比賽。

梁兆楹經常為家人親自下廚

梁兆楹經常為家人親自下廚：「睇到佢哋好大啖咁扒飯，係一件好滿足嘅事。」梁兆楹亦不時在社交網上分享零失敗的新手食譜，最擅長將工序繁複的菜式，以簡單家常方法做出來，梁兆楹曾試過用氣炸鍋做炸子雞：「唔使上皮水、唔使吊乾，都可以做到脆皮效果。」

梁兆楹英國留學廚藝大爆發

梁兆楹稱小時候煮飯很難食，直到去了英國留學，她的廚藝終於大爆發：「我覺得煮嘢食係一種樂趣，而且好減壓，大學時喺英國讀書，嗰個年代冇中菜餐館，所以開始認真學煮飯。我記得我煮畀自己嘅第一道菜係豉油雞，我煮到啲雞肉都爛晒，後來先知道豉油雞係要浸出嚟。經過幾年時間，我可以喺學校賣飯盒畀其他同學，都算係大有進步。」

↓立即下載星島頭條App↓